വീണാ വിജയന്‍ മിടുക്കിയായ സ്ത്രീ: പ്രശംസിച്ച് മന്ത്രി സജി ചെറിയാന്‍
കൊച്ചി: മുഖ്യമന്ത്രി പിണറായി വിജയന്‍റെ മകള്‍ വീണാ വിജയന്‍ മിടുക്കിയായ സ്ത്രീയെന്ന് പ്രശംസനയുമായി മന്ത്രി സജി ചെറിയാന്‍. വീണയുടെ കമ്പനിയായ എക്‌സാലോജിക് സേവനം നല്‍കിയിട്ടുണ്ടെങ്കില്‍ പണം നൽകി കാണും. അതില്‍ അന്വേഷണത്തിന്‍റെ ആവശ്യമില്ലെന്നും മസജി ചെറിയാൻ പറഞ്ഞു.
എക്‌സാലോജിക്കിനെതിരായി നടക്കുന്നത് രാഷ്ട്രീയപ്രേരിതമായ അന്വേഷണമാണ്. വിഷയത്തില്‍ കെഎസ്‌ഐഡിസിക്ക് നിയമപരമായി മുന്നോട്ട് നീങ്ങാന്‍ ആവശ്യമാണ്. മുഖ്യമന്ത്രിയെ ഏറെ നാളുകളായി വേട്ടയാടുകയാണെന്നും മന്ത്രി വ്യക്തമാക്കി. വീണ വിവാഹം കഴിച്ച് റിയാസുമായി നല്ല രീതിയിൽ കുടുംബം ജീവിതം നയിക്കുകയാണ്. വീണ മിടുക്കിയാണ്. പിണറായിയുടെ മകള്‍ പഠിക്കാതെ തെങ്ങിനടക്കണമെന്നാണോ പറയുന്നതെന്നും സജി ചെറിയാൻ ചോദിച്ചു.