തിരുവനന്തപുരം: കോൺഗ്രസ് ഹൈക്കമാൻഡ് മുഖ്യമന്ത്രിയായി പ്രഖ്യാപിച്ചതിന് പിന്നാലെ മാധ്യമങ്ങളെ കണ്ട വി.ഡി. സതീശൻ തന്നിലർപ്പിച്ച വലിയ ഉത്തരവാദിത്തത്തിന് നന്ദി രേഖപ്പെടുത്തി. വ്യക്തിപരമായ നേട്ടത്തേക്കാൾ ഉപരിയായി ഒരു ടീമായി പ്രവർത്തിച്ച് ജനങ്ങൾക്ക് നൽകിയ വാഗ്ദാനങ്ങൾ പാലിക്കുമെന്നും അദ്ദേഹം ഉറപ്പുനൽകി.(VD Satheesan Thanks UDF Team After Being Named Kerala Chief Minister)
എഐസിസി നേതൃത്വത്തോടും രാഹുൽ ഗാന്ധിയോടും നന്ദി പറഞ്ഞ സതീശൻ, മുതിർന്ന നേതാക്കളായ കെ.സി. വേണുഗോപാലിനെയും രമേശ് ചെന്നിത്തലയെയും പ്രത്യേകം സ്മരിച്ചു. കേരളത്തിലെ പ്രവർത്തനങ്ങൾ ഏകോപിപ്പിച്ചത് കെ.സി. വേണുഗോപാലാണെന്നും രമേശ് ചെന്നിത്തല തന്റെ പ്രിയങ്കരനായ നേതാവാണെന്നും അദ്ദേഹം കൂട്ടിച്ചേർത്തു.
“എന്നെ ഞാനാക്കിയത് ടീം യുഡിഎഫാണ്” എന്ന് അദ്ദേഹം ആവർത്തിച്ചു. സങ്കീർണ്ണമായ സാഹചര്യത്തിലൂടെയാണ് കേരളം കടന്നുപോകുന്നത്. ഒരാൾക്ക് മാത്രമായി ഒന്നും ചെയ്യാനാകില്ലെന്നും എല്ലാവരും ഒന്നിച്ച് നിൽക്കണമെന്നും അദ്ദേഹം അഭ്യർത്ഥിച്ചു. പൊതുപ്രവർത്തനത്തിന്റെയും രാഷ്ട്രീയ പ്രവർത്തനത്തിന്റെയും നിർവ്വചനം മാറ്റിയെഴുതാൻ കഠിനാധ്വാനം ചെയ്യും. ജനങ്ങളോട് പറഞ്ഞ കാര്യങ്ങൾ ഒന്നൊന്നായി നടപ്പിലാക്കി ഒരു പുതുയുഗത്തിന് തുടക്കമിടുമെന്നും നിയുക്ത മുഖ്യമന്ത്രി വ്യക്തമാക്കി. ഹൈക്കമാൻഡ് തീരുമാനം വന്നതോടെ സംസ്ഥാനത്തുടനീളം വലിയ ആവേശത്തിലാണ് കോൺഗ്രസ് പ്രവർത്തകർ. മുതിർന്ന നേതാക്കളുടെ പിന്തുണ ഉറപ്പാക്കി മുന്നോട്ട് പോകാനാണ് സതീശൻ ലക്ഷ്യമിടുന്നത്.
Story Summary
Designated Chief Minister V.D. Satheesan expressed his gratitude to the Congress High Command and UDF team following his official appointment. Emphasizing that he views the role as a divine mission, Satheesan pledged to redefine political leadership in Kerala through collective teamwork and fulfill all promises made to the public.
