റിപ്പോർട്ട്: അൻവർ ഷരിഫ്
വാഴക്കാട്: വാഴക്കാട് പോലീസ് സ്റ്റേഷൻ പരിധിയിൽ ഉൾപ്പെടുന്ന എളമരം പാലത്തിന് സമീപം ചാലിയാർ പുഴയിൽ അജ്ഞാത മൃതദേഹം കണ്ടെത്തി. വാഴക്കാട് പോലീസ് ഉടൻ സംഭവസ്ഥലത്തെത്തി പ്രാഥമിക നടപടികൾ സ്വീകരിച്ചു (Unidentified Dead Body Found Chaliyar River). മരിച്ചയാളെ ഇതുവരെ തിരിച്ചറിയാൻ സാധിച്ചിട്ടില്ലെന്ന് പൊലീസ് വ്യക്തമാക്കി. ഏകദേശം 35 വയസ്സ് പ്രായം തോന്നിക്കുന്ന പുരുഷന്റെ മൃതദേഹമാണ് കണ്ടെത്തിയിട്ടുള്ളത്. ഇയാൾ മറ്റ് സംസ്ഥാനങ്ങളിൽ നിന്ന് ജോലിക്കായി കേരളത്തിൽ എത്തിയ അന്യസംസ്ഥാന തൊഴിലാളിയാകാം എന്നാണ് പോലീസ് സംശയിക്കുന്നത്.
മൃതദേഹം ഇൻക്വസ്റ്റ് നടപടികൾ പൂർത്തിയാക്കിയ ശേഷം കൂടുതൽ പരിശോധനകൾക്കുമായി മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയിട്ടുണ്ട്. മരണകാരണം എന്താണെന്ന് വ്യക്തമല്ലെന്നും പോസ്റ്റ്മോർട്ടം റിപ്പോർട്ട് ലഭിച്ചതിന് ശേഷമേ കൂടുതൽ വിവരങ്ങൾ ലഭ്യമാകൂ എന്നും അധികൃതർ അറിയിച്ചു.
Summary: An unidentified body of a man, aged around 35, was recovered from the Chaliyar River near Elamaram Bridge under the Vazhakkad police station limits. Upon receiving the information, local police rushed to the spot and shifted the body to the Medical College mortuary for a post-mortem examination. Authorities suspect the deceased might be a migrant laborer and have launched an investigation to establish his identity and determine the cause of death.
