മലപ്പുറത്ത് കിണറ്റിൽ നിന്ന് അജ്ഞാത മൃതദേഹം കണ്ടെത്തി
Feb 2, 2024, 06:32 IST
![മലപ്പുറത്ത് കിണറ്റിൽ നിന്ന് അജ്ഞാത മൃതദേഹം കണ്ടെത്തി](https://timeskerala.com/static/c1e/client/91214/uploaded/afc0e867963ba4f8e4d9ee39d4092616.jpg)
മലപ്പുറം: സ്വകാര്യ വ്യക്തിയുടെ വീട്ടു വളപ്പിലെ കിണറ്റിൽ നിന്ന് അജ്ഞാത മൃതദേഹം കണ്ടെത്തി. കോട്ടയ്ക്കലിന് അടുത്ത് പാലപ്പുറയിലാണ് സംഭവം നടന്നത്. കിണറ്റിൽ നിന്ന് ദുർഗന്ധം ഉയർന്നതിനെ തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്.
ഏകദേശം 30 വയസ് പ്രായം തോന്നിക്കുന്ന വ്യക്തിയുടേതാണ് മൃതദേഹം. ഇതര സംസ്ഥാന തൊഴിലാളിയുടേതാണ് മൃതദേഹം എന്ന് സംശയമുണ്ട്. പോലീസ് എത്തി ഇന്ക്വസ്റ്റ് നടപടികൾ പൂർത്തിയാക്കി. മൃതദേഹം മഞ്ചേരി മെഡിക്കൽ കോളജ് ആശുപത്രിയിലേയ്ക്ക് മാറ്റിയതായി പോലീസ് അറിയിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)