എസ്ഡിപിഐ പിന്തുണ വേണ്ടെന്നത് യുഡിഎഫിന്റെ കൂട്ടായ തീരുമാനം: എം.എം.ഹസന്
![എസ്ഡിപിഐ പിന്തുണ വേണ്ടെന്നത് യുഡിഎഫിന്റെ കൂട്ടായ തീരുമാനം: എം.എം.ഹസന്](https://timeskerala.com/static/c1e/client/91214/uploaded/7dcbffc0b4837341413e5956258f5d78.webp)
തിരുവനന്തപുരം: തെരഞ്ഞെടുപ്പില് എസ്ഡിപിഐ പിന്തുണ വേണ്ടെന്നത് യുഡിഎഫിന്റെ കൂട്ടായ തീരുമാനമെന്ന് മുന്നണി കണ്വീനര് എം.എം.ഹസന്. ബുധനാഴ്ച വയനാട്ടില് ചേര്ന്ന യോഗത്തില് യുഡിഎഫ് നേതാക്കള് ഇക്കാര്യം ചര്ച്ച ചെയ്തെന്നും രാഹുല് ഗാന്ധിയുടെ വയനാട്ടിലെ റാലിയില് പതാക ഒഴിവാക്കിയതും മുന്നണി തീരുമാനമെന്നും അദ്ദേഹം പ്രതികരിച്ചു. കഴിഞ്ഞ തവണ പതാക വിവാദം ഉണ്ടാക്കിയത് ബിജെപിയാണെങ്കില് ഇത്തവണ അത് ഉയര്ത്തിക്കൊണ്ടുവന്നത് മുഖ്യമന്ത്രിയാണെന്നും അദ്ദേഹം വിമര്ശിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)
തിരുവനന്തപുരത്ത് പ്രതിപക്ഷ നേതാവ് വി.ഡി.സതീശനുമൊന്നിച്ച് നടത്തിയ വാര്ത്താസമ്മേളനത്തില് സംസാരിക്കവെയാണ് അദ്ദേഹം ഇക്കാര്യം പറഞ്ഞത്. പൗരത്വ നിയമത്തിനെതിരായ പ്രസംഗത്തില് മുഖ്യമന്ത്രി സംസാരിക്കുന്നത് മുഴുവന് കോണ്ഗ്രസിന്റെ ചാഞ്ചാട്ടത്തെക്കുറിച്ചാണെന്നും ഇക്കാര്യത്തില് കോണ്ഗ്രസ് കൃത്യമായ നിലപാട് വ്യക്തമാക്കിയതാനിന്നും അദ്ദേഹം പറഞ്ഞു. മുഖ്യമന്ത്രി ആവര്ത്തിച്ച് കള്ളംപറയുകയാണെന്നും അദ്ദേഹം കൂട്ടിച്ചേര്ത്തു.