യുഡിഎഫ് സീറ്റ് ധാരണ അഞ്ചിന് പ്രഖ്യാപിക്കും; ആദ്യഘട്ട ചർച്ചകൾ പൂർത്തിയായി
![യുഡിഎഫ് സീറ്റ് ധാരണ അഞ്ചിന് പ്രഖ്യാപിക്കും; ആദ്യഘട്ട ചർച്ചകൾ പൂർത്തിയായി](https://timeskerala.com/static/c1e/client/91214/uploaded/88d0799838aab560a5ec664edd8d2f17.webp)
തിരുവനന്തപുരം: ലോക്സഭാ തെരഞ്ഞെടുപ്പ് സീറ്റു വിഭജനവുമായി ബന്ധപ്പെട്ടു യുഡിഎഫ് ഘടകകക്ഷികളുമായി കോൺഗ്രസ് നേതൃത്വം നടത്തുന്ന ചർച്ചകളുടെ ആദ്യഘട്ടം പൂർത്തിയായി.
ഫെബ്രുവരി അഞ്ചിനു സീറ്റ് ധാരണ പ്രഖ്യാപിക്കുമെന്നാണ് സൂചന. യുഡിഎഫിലെ എല്ലാ പാർട്ടികളുമായും കോൺഗ്രസ് ചർച്ച നടത്തി. മുസ്ലിം ലീഗുമായും കേരള കോൺഗ്രസുമായും വീണ്ടും ചർച്ച നടത്തും. സിഎംപി, ഫോർവേഡ് ബ്ലോക്ക് എന്നീ പാർട്ടികളുമായി കോൺഗ്രസ് നേതൃത്വം ചർച്ചകൾ നടത്തിയിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
ലോക്സഭാ സീറ്റ് ആവശ്യപ്പെടുന്നില്ലെന്നും രാജ്യസഭയിലേക്ക് പരിഗണിക്കണമെന്നു സിഎംപി ജനറൽ സെക്രട്ടറി സി.പി. ജോണും ഫോർവേഡ് ബ്ലോക്ക് ദേശീയ ജനറൽ സെക്രട്ടറി ജി. ദേവരാജനും ചർച്ചകളിൽ ആവശ്യപ്പെട്ടു.