ഓട്ടോ ഡ്രൈവറെ കൊലപ്പെടുത്താൻ ശ്രമിച്ച കേസിൽ രണ്ടുപേർ അറസ്റ്റിൽ
![ഓട്ടോ ഡ്രൈവറെ കൊലപ്പെടുത്താൻ ശ്രമിച്ച കേസിൽ രണ്ടുപേർ അറസ്റ്റിൽ](https://timeskerala.com/static/c1e/client/91214/uploaded/ecbc97cb706a5deef9204962ff2de0a0.gif)
കോട്ടയം: ഓട്ടോ ഡ്രൈവറെ വെട്ടിക്കൊലപ്പെടുത്താൻ ശ്രമിച്ച കേസിൽ രണ്ടുപേർ അറസ്റ്റിൽ. കുമാരനല്ലൂർ പരിയത്ത് കാലായിൽ വീട്ടിൽ എസ്.പി. ഷംനാദ് (36), പെരുമ്പായിക്കാട് തെളകം എസ്.എൻ.ഡി.പി ഭാഗത്ത് കുന്ന് കാലായിൽ വീട്ടിൽ പ്രദീപ് (പാണ്ടൻ പ്രദീപ് -30) എന്നിവരെയാണ് കോട്ടയം വെസ്റ്റ് പൊലീസ് അറസ്റ്റ് ചെയ്തത്. ഇവർ ഇരുവരും ചേർന്ന് വെള്ളിയാഴ്ച പുലർച്ച 12.30ഓടെ കോട്ടയം കെ.എസ്.ആർ.ടി.സി ബസ് സ്റ്റാൻഡിന് മുൻവശം സ്റ്റാൻഡിലെ ഓട്ടോ ഡ്രൈവറായ ചാന്നാനിക്കാട് സ്വദേശിയായ യുവാവിനെ ചീത്തവിളിക്കുകയും വടിവാൾകൊണ്ട് വെട്ടിക്കൊലപ്പെടുത്താൻ ശ്രമിച്ചെന്നാണ് കേസ്. ആക്രമണത്തിൽ യുവാവിന്റെ ഇടതുകൈക്ക് വെട്ടേറ്റിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
ഷംനാദിന്റെ സഹോദരൻ ഉൾപ്പെട്ട കേസിലെ പരാതിക്കാരനെ യുവാവ് സഹായിച്ചതിന്റെ വിരോധംമൂലമാണ് ആക്രമിച്ചത്. വിവരമറിഞ്ഞ് കോട്ടയം വെസ്റ്റ് പൊലീസ് ഇവരെ പിന്തുടർന്നെത്തി കോടിമത മീൻമാർക്കറ്റിന് സമീപത്തുവെച്ച് സാഹസികമായി പിടികൂടുകയായിരുന്നു.