ട്രോളിംഗ് നിരോധനം: മീനിന് തൊട്ടാൽ പൊള്ളും വില
Jun 11, 2024, 11:47 IST
തിരുവനന്തപുരം: ട്രോളിംഗ് നിരോധനം സംസ്ഥാനത്ത് തുടങ്ങിയതോടെ മൽസ്യവിലയും കുതിച്ചുയര്ന്നു. ഒരു കിലോ മത്തിക്ക് കൊല്ലം നീണ്ടകര ഹാര്ബറില് 300 രൂപ വരെയെത്തിയിട്ടുണ്ട്. മത്സ്യതൊഴിലാളികള് പറയുന്നത് വില ഇനിയും ഉയര്ന്നേക്കുമെന്നാണ്. വിലക്കയറ്റത്തിന് പിന്നിൽ ട്രോളിംഗ് നിരോധനത്തിന് പുറമേ മത്സ്യലഭ്യതയിലെ കുറവും ഒരു കാരണമാണ്. സംസ്ഥാനത്ത് ട്രോളിംഗ് നിരോധനം നിലവില് വന്നത് ഞായറാഴ്ച രാത്രി മുതലാണ്. ഇത് ജൂലൈ 31 വരെ 52 ദിവസത്തേക്കാണ്. ട്രോളിംഗ് നിരോധനത്തില് നിന്ന് മോട്ടോര് ഘടിപ്പിച്ചിട്ടില്ലാത്ത പരമ്പരാഗത മത്സ്യബന്ധന ബോട്ടുകളെ ഒഴിവാക്കി.