ടിക്കറ്റില്ലാതെ റിസർവേഷൻ കോച്ചിൽ യാത്ര; ചോദ്യം ചെയ്ത ടി.ടി.ഇക്ക് മർദനം, യാത്രക്കാരന്‍ അറസ്റ്റിൽ
May 13, 2024, 21:11 IST
കോഴിക്കോട്: ടിക്കറ്റില്ലാതെ റിസർവേഷൻ കോച്ചിൽ യാത്ര ചെയ്തത് ചോദ്യം ചെയ്ത ടി.ടി.ഇക്ക് യാത്രക്കാരന്‍റെ മർദനം. ടി.ടി.ഇയും രാജസ്ഥാൻ സ്വദേശിയായ വിക്രം കുമാർ മീണക്കാണ് മർദനമേറ്റത്. ഞായറാഴ്ച രാത്രി 10 മണിയോടെ തീരൂരിനടുത്ത് വച്ചാണ് ആക്രമണമുണ്ടായത്. മംഗലാപുരം-തിരുവനന്തപുരം മാവേലി എക്സ്പ്രസിൽ യാത്രക്കാർ നോക്കി നിൽക്കെയാണ് സംഭവം. യാത്രക്കാരൻ ടി.ടി.ഇയുടെ മൂക്കിനിടിക്കുകയായിരുന്നു. പരിക്കേറ്റ വിക്രം കുമാർ ചികിത്സയിലാണ്. പ്രതിയെ അറസ്റ്റ് ചെയ്തു. ടി.ടി.ഇയെ ആക്രമിച്ച സംഭവത്തിൽ കോഴിക്കോട് റെയിൽവേ പൊലീസ് കേസ് രജിസ്റ്റർ ചെയ്തു.