ടിപി ചന്ദ്രശേഖരൻ വധക്കേസിലെ 10 പ്രതികൾക്ക് പരോൾ
Jun 9, 2024, 15:43 IST
![ടിപി ചന്ദ്രശേഖരന് വധക്കേസ്: ഇന്ന് നിർണായകം; അപ്പീലുകളില് ഹൈക്കോടതി വിധി ഇന്ന്](https://timeskerala.com/static/c1e/client/91214/uploaded/b5b7a5a509dbc04e1c2d1b7e474a92b2.jpg)
കണ്ണൂർ: ടി.പി.ചന്ദ്രശേഖരൻ വധക്കേസ് പ്രതികൾക്ക് പരോൾ അനുവദിച്ചു. കൊടി സുനി ഒഴികെ ബാക്കിയുള്ള 10 പ്രതികൾക്കാണ് പരോൾ നൽകിയത്. തിരഞ്ഞെടുപ്പ് പെരുമാറ്റച്ചട്ടം കഴിഞ്ഞതോടെയാണ് പരോൾ നൽകിയത്. തിരഞ്ഞെടുപ്പിന് മുൻപ് അപേക്ഷ നൽകിയവരുടെ പരോളാണ് അനുവദിച്ചതെന്നു കണ്ണൂർ സെൻട്രൽ ജയിൽ അധികൃതർ അറിയിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)
തവനൂർ ജയിലിലാണ് കൊടി സുനി. ടിപി വധക്കേസിലെ പ്രതികള്ക്ക് എല്ഡിഎഫ് സർക്കാർ അധികാരത്തില് വന്ന ശേഷം പരോള് ലഭിച്ചത് 2013 ദിവസമാണെന്നു നിയമസഭയിൽ സർക്കാർ 2022ൽ വ്യക്തമാക്കിയിരുന്നു. തടവുകാലത്തെ ആശുപത്രിവാസത്തിനു പുറമെയാണ് 11 പ്രതികള്ക്കു പല തവണയായി 6 മാസത്തോളം പരോള് ലഭിച്ചത്.