തൃശൂർ സദാചാര കൊലപാതകം: പ്രതികൾ ഉത്തരാഖണ്ഡിൽ പിടിയിൽ
Fri, 17 Mar 2023
ഡെറാഡൂൺ: തൃശൂർ സദാചാര കൊലക്കേസിലെ നാല് പ്രതികൾ പോലീസ് കസ്റ്റഡിയിൽ. ഉത്തരാഖണ്ഡിൽ നിന്നാണ് ചേർപ്പ് സ്വദേശികളായ അരുൺ, അമീർ, നിരഞ്ജൻ, സുഹൈൽ എന്നിവരെയാണ് പോലീസ് പിടികൂടിയത്. ഇരിങ്ങാലക്കുട ഡിവൈഎസ്പിയുടെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്. പ്രതികളെ ശനിയാഴ്ച വെെകുന്നേരം തൃശൂരിലെത്തിച്ച് അറസ്റ്റ് രേഖപ്പെടുത്തുമെന്ന് പോലീസ് അറിയിച്ചു. ഫെബ്രുവരി പതിനെട്ടിനായിരുന്നു വനിതാ സുഹൃത്തിനെ കാണാനെത്തിയ സഹറിനെ എട്ടംഗ സംഘം മർദിച്ചത്. ഗുരുതരമായി പരിക്കേറ്റ സഹർ മാർച്ച് ഏഴിന് മരിച്ചിരുന്നു.