തൃശൂര് മെഡിക്കല് കോളജില് ആക്രമണം: നാലു പേർക്ക് പരിക്ക്
![തൃശൂര് മെഡിക്കല് കോളജില് ആക്രമണം: നാലു പേർക്ക് പരിക്ക്](https://timeskerala.com/static/c1e/client/91214/uploaded/1080f4be873335d166069ccbbd52dde4.webp)
തൃശൂര്: ഗവ: മെഡിക്കല് കോളജ് ആശുപത്രിയില് ചികിത്സയ്ക്ക് എത്തിയ ആൾ നടത്തിയ ആക്രമണത്തിൽ നാലു പേർക്ക് പരിക്കേറ്റു. രാത്രിയിൽ സർജറി വാർഡിൽ നടന്ന സംഭവത്തിൽ ഗുരുവായൂര് സ്വദേശി തിയ്യത്ത് ചന്ദ്രന് മകന് വിഷ്ണു (30), മറ്റം സ്വദേശി രോഹിത് (29), അഞ്ഞൂര് സ്വദേശി വൈശാഖ് (28), സന്ദീപ് (30) എന്നിവര്ക്കാണ് പരിക്കേറ്റത്. യുവാക്കളെ ആക്രമിച്ച സംഭവത്തിൽ മുള്ളൂര്ക്കര സ്വദേശി ശ്രീനിവാസനെതിരെ പോലീസ് കേസെടുത്തു.
![](https://timeskerala.com/static/c1e/static/themes/16/91214/3752/images/New-Creative-.png)
വാഹനാപകടത്തില് പരിക്കേറ്റ് ചികിത്സയില് കഴിയുന്ന സുഹൃത്തിനെ കാണുവാന് എത്തിയ യുവാക്കളെയാണ് സമീപത്തെ ബെഡില് കിടന്നിരുന്ന രോഗി ആക്രമിച്ചതെന്ന് പോലീസ് പറഞ്ഞു. ആക്രമണത്തിൽ തലയ്ക്ക് അടിയേറ്റ യുവാക്കൾ അപകടനില തരണം ചെയ്തതായി ആശുപത്രി അധികൃതര് പറഞ്ഞു.