എം.ഡി.എം.എയുമായി മൂന്ന് യുവാക്കൾ പിടിയിൽ
Feb 2, 2024, 21:21 IST
പള്ളുരുത്തി: എം.ഡി.എം.എയുമായി മൂന്ന് യുവാക്കളെ പൊലീസ് പിടികൂടി. പള്ളുരുത്തി എസ്.ഡി.പി.വൈ റോഡിൽ ഉള്ളാടംപറമ്പിൽ വിനീത് (31), ജനത ജങ്ഷനിൽ മുല്ലോത്തുകാട് വീട്ടിൽ ദർശൻ എം. രാജ് (28), എറണാട് റോഡ് കൃഷ്ണകൃപയിൽ അഭിമന്യു (29) എന്നിവരെയാണ് പിടികൂടിയത്. പ്രതികൾ സഞ്ചരിച്ച കാറിൽ നിന്ന് 18.7 ഗ്രാം എം.ഡി.എം.എ കണ്ടെടുത്തു. 2,75,000 രൂപ വില വരുന്ന ലഹരിമരുന്നാണ് ഇതെന്ന് പൊലീസ് പറഞ്ഞു. പ്രതികളെ റിമാൻഡ് ചെയ്തു.