മലപ്പുറത്ത് ട്രക്കിംഗിന് പോയി മലമുകളിൽ കുടുങ്ങിയ രണ്ട് പേരെയും രക്ഷപ്പെടുത്തി
May 25, 2023, 12:23 IST
മലപ്പുറം: കരുവാരകുണ്ട് കേരളാംകുണ്ടില്‍ ട്രക്കിംഗിനിടെ മലയിൽ കുടുങ്ങിയവരെ രക്ഷപ്പെടുത്തി. കരുവാരക്കുണ്ട് സ്വദേശികളായ യാസീം, അഞ്ജൽ എന്നി വരെയാണ് രക്ഷപ്പെടുത്തിയത്. അഗ്നിശമനസേനയും പോലീസും അടങ്ങുന്ന തെരച്ചിൽ സംഘമാണ് ഇരുവരെയും രക്ഷിച്ച് കാടിനു പുറത്തെത്തിച്ചത്. കേരളാംകുണ്ട് വെള്ളച്ചാട്ടത്തിന് മുകൾ ഭാഗത്തായാണ് ഇവർ കുടുങ്ങിയത്. മൂന്നുപേരടങ്ങുന്ന സംഘമാണ് മലമുകളിലേക്ക് പോയത്.കേരളാംകുണ്ട് വെള്ളച്ചാട്ടത്തിന് മുകൾ ഭാഗത്തായാണ് ഇവർ കുടുങ്ങിയത്. മൂന്നുപേരടങ്ങുന്ന സംഘമാണ് മലമുകളിലേക്ക് പോയത്. ഇവർ ക്കൊപ്പമുണ്ടായിരുന്ന ഷംനാസ് താഴെയെത്തി വിവരം പോലീസിനെ അറിയിച്ചതോടെയാണ് സംഭവം പുറത്തറിയുന്നത്. കരുവാരകുണ്ട് ചേരിമല വനാന്തര്‍ ഭാഗത്താണ് യാസീമും, അജ്മലും കുടുങ്ങിയത്. ഒരാളുടെ കാലിന് പൊട്ടലുണ്ടെന്നതിനാൽ ആശുപത്രിയിൽ പ്രവേശിപ്പിച്ചു. ആരോഗ്യനില തൃപ്തികരമാണ്.