എ​ങ്ങ​നെ അ​ഴി​മ​തി ന​ട​ത്താ​മെ​ന്ന​തി​ല്‍ ഡോ​ക്ട​റേ​റ്റ് എ​ടു​ത്ത​വ​രു​ണ്ട്, എ​ല്ലാകാ​ല​വും ര​ക്ഷ​പെ​ടാ​നാ​കി​ല്ല: മു​ഖ്യ​മ​ന്ത്രി

തി​രു​വ​ന​ന്ത​പു​രം: സം​സ്ഥാ​ന​ത്ത് മ​ഹാ​ഭൂ​രി​ഭാ​ഗം പേ​രും സം​ശു​ദ്ധ​മാ​യി സ​ര്‍​വീ​സ് ജീ​വി​തം ന​യി​ക്കു​മ്പോ​ഴും ഒ​രു വി​ഭാ​ഗം കൈ​ക്കൂ​ലിയുടെ രു​ചി അ​റി​ഞ്ഞ​വ​രാ​ണെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍. കേ​ര​ള മു​നി​സി​പ്പ​ല്‍ കോ​ര്‍​പ​റേ​ഷ​ന്‍ സ്റ്റാ​ഫ് യൂ​ണി​യ​ന്‍ സ​മ്മേ​ള​ന​ത്തി​ല്‍ സം​സാ​രി​ക്കു​ക​യാ​യി​രു​ന്നു മു​ഖ്യ​മ​ന്ത്രി.  രാ​ജ്യ​ത്ത് അ​ഴി​മ​തി ഏ​റ്റ​വും കു​റ​ഞ്ഞ സം​സ്ഥാ​നം കേ​ര​ള​മാ​ണെ​ന്ന​ത് അ​ഭി​മാ​ന​ക​ര​മാ​ണ്. എ​ന്നാ​ല്‍ എ​ങ്ങ​നെ അ​ഴി​മ​തി ന​ട​ത്താ​മെ​ന്ന​തി​ല്‍ ഡോ​ക്ട​റേ​റ്റ് എ​ടു​ത്ത ചി​ല​ര്‍ സർക്കാർ സ​ര്‍​വീ​സി​ലു​ണ്ടെ​ന്ന കാ​ര്യം ഗൗ​ര​വ​മാ​യി കാ​ണു​ന്നെ​ന്ന് മു​ഖ്യ​മ​ന്ത്രി പ​റ​ഞ്ഞു.

അ​ഴി​മ​തി​ക്കാ​ര്‍​ക്ക് എ​ല്ലാ​കാ​ല​ത്തും ര​ക്ഷ​പെ​ടാ​നാ​കി​ല്ല. പി​ടി​ക്ക​പ്പെ​ട്ടാ​ല്‍ അ​വ​ര​തി​ന്‍റെ പ്ര​യാ​സം നേ​രി​ടേ​ണ്ടി​വ​രും. അ​ഴി​മ​തി​യോ​ട് ഒ​രു വി​ട്ടു​വീ​ഴ്ച​യും ഉ​ണ്ടാ​കി​ല്ലെ​ന്ന നി​ല​പാ​ട് സ​ര്‍​ക്കാ​ര്‍ നേ​ര​ത്തെ ത​ന്നെ വ്യ​ക്ത​മാ​ക്കി​യി​ട്ടു​ള്ള​താ​ണെ​ന്നും മു​ഖ്യ​മ​ന്ത്രി പറഞ്ഞു. സാ​ധാ​ര​ണ ജ​ന​ങ്ങ​ള്‍​ക്ക് ഏ​റ്റ​വു​മ​ധി​കം പ്ര​ശ്‌​നം നേ​രി​ടേ​ണ്ടി വ​രു​ന്ന​ത് റ​വ​ന്യൂ ഓ​ഫീ​സു​ക​ളി​ലും ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളി​ലു​മാ​ണ്. ഇ​തു​മാ​യി ബ​ന്ധ​പ്പെ​ട്ട് നി​ര​വ​ധി പ​രാ​തി​ക​ള്‍ താ​ലൂ​ക്ക് ത​ല അ​ദാ​ല​ത്തി​ല്‍ ഉ​യ​ര്‍​ന്ന് വ​ന്നി​ട്ടു​ണ്ടെ​ന്നും മു​ഖ്യ​മ​ന്ത്രി കൂട്ടിച്ചേർത്തു. 

പാ​ല​ക്ക​യം കൈ​ക്കൂ​ലി​കേ​സി​നെ​ക്കു​റി​ച്ചും മു​ഖ്യ​മ​ന്ത്രി പ്ര​സം​ഗ​ത്തി​ല്‍ പ​രാ​മ​ര്‍​ശി​ച്ചു. വി​ല്ലേ​ജ് അ​സി​സ്റ്റ​ന്‍റ് പി​ടി​യി​ലാ​യ കാ​ര്യം ഓ​ഫീ​സി​ലെ മ​റ്റു​ള്ള​വ​ര്‍ അ​റി​ഞ്ഞി​ല്ലെ​ന്ന് എ​ങ്ങ​നെ പ​റ​യാ​ന്‍ ക​ഴി​യു​മെ​ന്നും മു​ഖ്യ​മ​ന്ത്രി ചോ​ദി​ച്ചു. ചി​ല​ര്‍ സാ​ങ്കേ​തി​ക​മാ​യി കൈ​ക്കൂ​ലി വാ​ങ്ങി​യി​ട്ടി​ല്ലാ​യി​രി​ക്കാം. എ​ന്നാ​ല്‍ കൂ​ടെ​യു​ള്ള​വ​ര്‍ അ​റി​യാ​തെ അ​ഴി​മ​തി സാ​ധ്യ​മാ​കു​മോ​യെ​ന്നും മു​ഖ്യ​മ​ന്ത്രി ചോ​ദി​ച്ചു.  സർക്കാർ ജീ​വ​ന​ക്കാ​ര്‍ ജ​ന​ങ്ങ​ളെ ശ​ത്രു​ക്ക​ളാ​യി കാ​ണ​രു​തെ​ന്നും മു​ഖ്യ​മ​ന്ത്രി ഓ​ര്‍​മി​പ്പി​ച്ചു.