കൊടുങ്ങല്ലൂരിലെ വ്യാപാര സ്ഥാപനത്തിൽ മോഷണം
Feb 7, 2024, 18:57 IST
![കൊടുങ്ങല്ലൂരിലെ വ്യാപാര സ്ഥാപനത്തിൽ മോഷണം](https://timeskerala.com/static/c1e/client/91214/uploaded/e043b4b914c3e4c2ce04c028792a9bdc.webp)
കൊടുങ്ങല്ലൂർ: കൊടുങ്ങല്ലൂരിൽ പുല്ലൂറ്റ് കോഴിക്കടയിലെ വ്യാപാര സ്ഥാപനത്തിൽ മോഷണം. സ്റ്റീൽ വേൾഡ് എന്ന സ്ഥാപനത്തിലാണ് മോഷണം നടന്നത്. ഓഫിസ് മുറിയിലെ മേശവലിപ്പിൽ സൂക്ഷിച്ചിരുന്ന 20,000 രൂപ നഷ്ടപ്പെട്ടതായി സ്ഥാപന ഉടമ നോർത്ത് പറവൂർ സ്വദേശി കരിയംപിള്ളി വീട്ടിൽ മുഹമ്മദലി പറഞ്ഞു. ചൊവ്വാഴ്ച രാവിലെ എട്ടോടെ സ്ഥാപനം തുറക്കാനെത്തിയ ജീവനക്കാരാണ് മോഷണവിവരം ആദ്യമറിഞ്ഞത്.
ഓഫിസ് മുറിയുടെ ഷട്ടറിലെയും ചില്ല് വാതിലിലെയും പൂട്ടുകൾ തകർത്താണ് മോഷ്ടാവ് അകത്തുകയറിയത്. സ്ഥാപനത്തിലെ സി.സി ടി.വി കാമറകൾ അഞ്ചെണ്ണം ദിശമാറ്റിയ നിലയിലാണ്. സംഭവത്തിൽ കൊടുങ്ങല്ലൂർ പൊലീസ് അന്വേഷണമാരംഭിച്ചിട്ടുണ്ട്. വിരലടയാള വിദഗ്ധർ പരിശോധന നടത്തി.