സ്ത്രീയെ വനത്തില്‍ കൊണ്ടുപോയി ചുറ്റികകൊണ്ട് ആക്രമിച്ചു; ഭര്‍ത്താവ് കസ്റ്റഡിയില്‍
തിരുവനന്തപുരം: തലസ്ഥാനത്ത് ഭാര്യയ്ക്ക് ഭര്‍ത്താവിന്‍റെ ക്രൂരമര്‍ദനം. മൈലമൂട് സ്വദേശി ഷൈനിക്ക് നേരെയായിരുന്നു ആക്രമണം നടത്തിയത്. ഗുരുതരമായി പരിക്കേറ്റ ഇവരെ മെഡിക്കല്‍ കോളജ് ആശുപത്രിയിലേക്ക് മാറ്റി. സംഭവത്തില്‍ പാലോട് സ്വദേശി സോജിയെ പോലീസ് കസ്റ്റഡിയിലെടുത്തിട്ടുണ്ട്.
ഇരുവരും ഒന്നരവര്‍ഷമായി പിരിഞ്ഞ് കഴിയുകയാണ്. എന്നാല്‍ ഷൈനിയെ കാണണമെന്ന് പറഞ്ഞ് വിളിച്ച് വരുത്തിയ സോജി ഇവരെ വനത്തിനുള്ളിലേക്ക് കൂട്ടിക്കൊണ്ട് പോയ ശേഷം കൈയില്‍ കരുതിയിരുന്ന ചുറ്റികയും വെട്ടുകത്തിയും ഉപയോഗിച്ച് ഇവരെ ആക്രമിക്കുകയായിരുന്നു. വനവിഭവങ്ങള്‍ ശേഖരിക്കാന്‍ കാട്ടിലേക്ക് പോയവരാണ് ഷൈനിയുടെ കരച്ചില്‍ കേട്ട് ഓടിയെത്തിയത്. ഷൈനിയുടെ തലയ്ക്കും കാലിനും ഗുരുതരമായി പരിക്കേറ്റിട്ടുണ്ട്. കാല്‍മുട്ടുകള്‍ അടിച്ച് തകര്‍ത്ത നിലയിലാണ്. ഇവര്‍ പോലീസില്‍ വിവരം അറിയിക്കുകയായിരുന്നു.