ഉമിനിയില് വീണ്ടും പുലിയിറങ്ങി; ആശങ്ക
Jan 15, 2022, 10:33 IST
പാലക്കാട്: ഉമിനിയിലെ ജനവാസ മേഖലയായ സൂര്യ നഗറിൽ വീണ്ടും പുലിയിറങ്ങി. കഴിഞ്ഞ ദിവസം പുലി കുഞ്ഞുങ്ങളെ കണ്ടെത്തിയ സ്ഥലത്തിന് സമീപമുള്ള മേഖലയാണിത്. നായ്ക്കളുടെ കുര കേട്ട് നോക്കിയ ഇന്ഡോര് കോര്ട്ടിന്റെ വാച്ചര് ഗോപിയാണ് പുലിയെ കണ്ടത്. ഈ മേഖലയില് നിന്നും നായ്ക്കളുടെ തലയോട്ടിയും എല്ലിന് കഷണങ്ങളും കണ്ടെത്തിയിട്ടുണ്ട്.കഴിഞ്ഞ ദിവസമാണ് ഉമിനിയിലെ ആളൊഴിഞ്ഞുകിടന്ന വീട്ടില് നിന്നും രണ്ട് പുലിക്കുഞ്ഞുങ്ങളെ കണ്ടെത്തിയത്.പുലിക്കുഞ്ഞുങ്ങളെ കൂട്ടില്വച്ച് അമ്മ പുലിയെ പിടികൂടാന് വനംവകുപ്പ് ഉദ്യോഗസ്ഥര് ശ്രമിച്ചുവെങ്കിലും പരാജയപ്പെട്ടു. കൂടിന് സമീപമെത്തിയ അമ്മ പുലി ഒരു കുഞ്ഞുമായി കടന്നു കളയുകയായിരുന്നു.തുടര്ന്ന് രണ്ടാമത്തെ കുഞ്ഞിനെ അകമലയിലെ സംരക്ഷണ കേന്ദ്രത്തിലേക്ക് മാറ്റിയിരുന്നു. അമ്മ പുലി ഇനി വരില്ലെന്ന നിഗമനത്തില് കൂട് മാറ്റാന് വനംവകുപ്പ് തീരുമാനിച്ചിരിക്കെയാണ് വീണ്ടും പുലിയെ നാട്ടുകാര് കണ്ടത്.