സുപ്രീം കോടതി ഇന്നും ലാവലിന്‍ കേസ് പരിഗണിക്കില്ല
May 2, 2024, 15:19 IST
ന്യൂഡല്‍ഹി: സുപ്രീംകോടതിയിൽ ഇന്നും എസ്.എന്‍.സി. ലാവലിന്‍ കേസില്‍ അന്തിമവാദം ഉണ്ടാകില്ല. കോടതി വ്യക്തമാക്കിയത് മറ്റു കേസുകൾ മഹാരാഷ്ട്രയില്‍ സ്ഥലം ഏറ്റെടുക്കലുമായി ബന്ധപ്പെട്ട ഒരു അപ്പീലിലെ വാദം തുടരുന്ന അവസരത്തിൽ ഇന്ന് പരിഗണിക്കില്ലെന്നാണ്. കേസ് പരിഗണിക്കേണ്ടിയിരുന്നത് ജസ്റ്റീസ് സൂര്യകാന്ത്, ജസ്റ്റീസ് കെ.വി.വിശ്വനാഥന്‍ എന്നിവരുൾപ്പെടുന്ന ബെഞ്ചാണ്. സമയക്കുറവ് മൂലം കഴിഞ്ഞദിവസവും ലാവലിന്‍ കേസ് മാറ്റിവയ്ക്കപ്പെട്ടിരുന്നു. ഫെബ്രുവരി ആറിനാണ് സുപ്രീംകോടതിയില്‍ എട്ടാം വര്‍ഷത്തിലേക്ക് കടന്ന ലാവലിന്‍കേസ് അവസാനമായി പരിഗണിക്കുന്നത്.