ദിലീപിന്‍റെ "പത്മസരോവര'ത്തിൽ റെയ്ഡ് തുടരുന്നു ; പൂട്ടിയ ഗേറ്റ് ചാടിക്കടന്ന് അന്വേഷണ സംഘം
Jan 13, 2022, 13:23 IST
കൊച്ചി: നടിയെ ആക്രമിച്ച കേസിൽ നടൻ ദിലീപിന്‍റെ വീട്ടിൽ റെയ്ഡ് തുടരുകയാണ് . ദിലീപിന്‍റെ ആലുവയിലെ പത്മസരോവരം എന്ന വീട്ടിലാണ് പരിശോധന നടക്കുന്നത്.അതെസമയം ഉദ്യോഗസ്ഥർ എത്തിയപ്പോൾ വീട് അടച്ചിട്ട നിലയിലായിരുന്നു. വീടിന്‍റെ മതിൽ ചാടിക്കടന്നാണ് ക്രൈംബ്രാഞ്ച് സംഘം വീടിനുള്ളിൽ പ്രവേശിപ്പിച്ചിരിക്കുന്നത് . പിന്നീട് ദിലീപിന്‍റെ സഹോദരിയെത്തി വീടിന്‍റെ വാതിൽ തുറന്നു.ക്രൈംബ്രാഞ്ച് എസ്പി മോഹനചന്ദ്രന്‍റെ നേതൃത്വത്തിൽ ഇരുപതംഗ സംഘമാണ് പരിശോധന നടത്തുന്നത്. നടിയെ ആക്രമിച്ച കേസിൽ വധഭീഷണിയുമായി ബന്ധപ്പെട്ട തെളിവുകൾ ശേഖരിക്കുന്നതിനാണ് പരിശോധന എന്നാണ് വിവരം.