മേയർ ബസ് തടഞ്ഞ സംഭവം; നിയമപോരാട്ടം തുടരുമെന്ന് എൽ.എച്ച്.യദു
![മേയർ ബസ് തടഞ്ഞ സംഭവം; നിയമപോരാട്ടം തുടരുമെന്ന് എൽ.എച്ച്.യദു](https://timeskerala.com/static/c1e/client/91214/uploaded/caf12a9fe49f4d54b7d4fbf2b28300bf.webp)
മേയറാണെന്നുള്ള ഈഗോയാണ് ആര്യ രാജേന്ദ്രൻ കാണിച്ചത്. മേയർ പറഞ്ഞതെല്ലാം തെറ്റാണെന്നും തെളിഞ്ഞു കഴിഞ്ഞതായും യദു മാധ്യമങ്ങളോട് പറഞ്ഞു. തനിക്കെതിരെ 2017 ൽ കേസുണ്ടെങ്കിൽ കോടതി രേഖകൾ നോക്കി അക്കാര്യം മനസിലാക്കാമെന്ന് അദ്ദേഹം പറഞ്ഞു. അന്നത്തെ കേസിൽ കോടതി വെറുതേ വിട്ടിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
കേസ് ഉണ്ടെങ്കിൽ സർക്കാർ സ്ഥാപനത്തിൽ ജോലിക്ക് എടുക്കില്ല. ഒരു വനിതയുടെ പരാതിയിലാണ് കേസെടുത്തത്തതെന്നും അവരുടെ ഭാഗത്തുണ്ടായ തെറ്റിദ്ധാരണയാണെന്ന് വിചാരണഘട്ടത്തിൽ കോടതിയിൽ പരാതിക്കാരി സമ്മതിച്ചിരുന്നെന്നും യദു പറഞ്ഞു. ആ കേസാണ് ഇപ്പോള് പാർട്ടിക്കാർ കുത്തിപൊക്കുന്നത്. ഗതാഗതവകുപ്പിൽ നിന്ന് നിർദേശങ്ങൾ ലഭിച്ചിട്ടില്ല. അന്വേഷണം നടക്കുന്നതിനാൽ അതു കഴിഞ്ഞിട്ട് ഡ്യൂട്ടിക്ക് കയറിയാൽ മതിയെന്നു ഡിപ്പോയിൽ നിന്ന് പറഞ്ഞതായും യദു വ്യക്തമാക്കി.