വയനാട്ടിൽ കിറ്റ് വിതരണം ചെയ്ത സംഭവം; ബിജെപി പ്രവർത്തകനെതിരേ കേസ്
![വയനാട്ടിൽ കിറ്റ് വിതരണം ചെയ്ത സംഭവം; ബിജെപി പ്രവർത്തകനെതിരേ കേസ്](https://timeskerala.com/static/c1e/client/91214/uploaded/307192da35eca97975cbf2527951a562.jpg)
കല്പ്പറ്റ: വയനാട്ടിൽ കിറ്റ് വിതരണം ചെയ്ത സംഭവത്തിൽ ബിജെപി പ്രവര്ത്തകനെതിരെ പോലീസ് കേസെടുത്തു. ചക്കര ബിനീഷ് എന്നയാൾക്കെതിരെയാണ് കേസെടുത്തിരിക്കുന്നത്. ബിജെപി സ്ഥാനാര്ഥിക്ക് മുന്തൂക്കം ഉണ്ടെന്ന് മനസിലാക്കിയുള്ള ഗൂഡാലോചനയാണിതെന്ന് ബിജെപി ജില്ലാ നേതൃത്വം പ്രതികരിച്ചു. എന്തുകൊണ്ട് ഇത് ബിജെപിയുടെ തലയില് കെട്ടിവെക്കാന് ശ്രമിക്കുന്നതെന്ന് ജനങ്ങള്ക്ക് അറിയാമെന്നും ബിജെപി വ്യക്തമാക്കി.
![](https://timeskerala.com/static/c1e/static/themes/16/91214/3752/images/New-Creative-.png)
തെക്കുംതറയിലെ ബിജെപി പ്രവര്ത്തകന് വി.കെ.ശശിയുടെ വീട്ടില് നിന്ന് 150 ല് അധികം കിറ്റുകള് കണ്ടെടുത്തിരുന്നു. എന്നാൽ ഇവ വിഷുക്കിറ്റുകളാണെന്നായിരുന്നു വിശദീകരണം. എന്നാൽ 2500 കിറ്റുകള് ബിനീഷ് കല്പ്പറ്റയിലെ ഒരു കടയില് നിന്ന് ഓഡര് ചെയ്തിരുന്നു. ഇതില് 2,426 കിറ്റുകള് വോട്ടര്മാര്ക്ക് വിതരണം ചെയ്തതായും പോലീസിന് വിവരം ലഭിച്ചിട്ടുണ്ട്.