വീട് മദ്യശാലയാക്കി വിൽപന; യുവാവ് അറസ്റ്റിൽ
May 15, 2024, 18:20 IST
![വീട് മദ്യശാലയാക്കി വിൽപന; യുവാവ് അറസ്റ്റിൽ](https://timeskerala.com/static/c1e/client/91214/uploaded/5c56b18d3564b36498ecbaea0ab8f7be.gif)
കണ്ണൂർ: വീട് മദ്യശാലയാക്കി വിൽപന നടത്തിയ യുവാവ് അറസ്റ്റിൽ. അഴീക്കോട് മയിലാടത്തത്തെ തൊട്ടേൻ ഹൗസിലെ ആദർശിനെയാണ് (27) പിടികൂടിയത്. ഇയാളുടെ വീട്ടിൽനിന്ന് 48 കുപ്പി ഇന്ത്യൻ നിർമിത വിദേശ മദ്യവും 31,280 രൂപയും പിടിച്ചെടുത്തു. അടുക്കളയിലെ അലമാരയിൽ സൂക്ഷിച്ച മദ്യമാണ് പിടിച്ചെടുത്തത്. വളപട്ടണം എസ്.ഐ എ. നീതിന്റെ നേതൃത്വത്തിലാണ് പ്രതിയെ പിടികൂടിയത്. വീട്ടിൽ മദ്യം ശീതികരിക്കാനുള്ള സംവിധാനവും ഒരുക്കിയിരുന്നു. പ്രതിയുടെ പിതാവും മദ്യവിൽപനയിൽ പങ്കാളിയാണ്. അനധികൃതമായി മദ്യവിൽപന നടത്തിയതിന് ഇയാൾക്കെതിരെയും കേസുണ്ട്.