മുളകുപൊടി വിതറി ഗൃഹനാഥന്റെ കാലുകൾ തല്ലിയൊടിച്ചു
Jun 10, 2024, 09:30 IST
![മുളകുപൊടി വിതറി ഗൃഹനാഥന്റെ കാലുകൾ തല്ലിയൊടിച്ചു](https://timeskerala.com/static/c1e/client/91214/uploaded/c1738848b7b4381569bf259462e9bf78.gif)
കടയ്ക്കൽ: വീട്ടിൽ അതിക്രമിച്ചു കയറി മുളകുപൊടി വിതറി ഗൃഹനാഥന്റെ കാലുകൾ തല്ലിയൊടിച്ചു. കടയ്ക്കൽ കൊച്ചാറ്റുപുറം കൊച്ചുവിള വീട്ടിൽ ജോയിക്കാണ് (52) പരിക്കേറ്റത്. റൂമിൽ ഉറങ്ങുകയായിരുന്ന മാതാവ് കമലാഭായി ബഹളം കേട്ട് ഹാളിൽ ചെല്ലുമ്പോൾ രക്തത്തിൽ കുളിച്ചു കിടക്കുന്ന മകനെയാണ് കണ്ടത്. വെള്ളിയാഴ്ച രാത്രി മഴ സമയത്താണ് സംഘം വീടിന്റെ മുൻ വാതിൽ തകർത്തു അകത്തു കടന്നു ആക്രമണം നടത്തിയത്.
കടയ്ക്കൽ പൊലീസെത്തിയാണ് ജോയിയെ കടയ്ക്കൽ താലൂക്ക് ആശുപത്രിയിൽ എത്തിച്ചത്. അവിടെ നിന്ന് വിദഗ്ദ ചികിത്സക്കായി തിരുവനന്തപുരം മെഡിക്കൽ കോളജ് ആശുപത്രിയിലേക്ക് മാറ്റി.