ആനയുടെ സിഗ്നൽ ലഭിച്ചു; ട്രാക്കിംഗ് വിദഗ്ധർ കാട്ടിലേക്ക്
![ആനയുടെ സിഗ്നൽ ലഭിച്ചു; ട്രാക്കിംഗ് വിദഗ്ധർ കാട്ടിലേക്ക്](https://timeskerala.com/static/c1e/client/91214/uploaded/2411654c264745d0a086ba49e4b85009.jpg)
മാനന്തവാടി: വയനാട്ടിലെ ആളെക്കൊല്ലി കാട്ടാനയുടെ സിഗ്നൽ ലഭിച്ചു. കാട്ടിക്കുളം- ബാവലി റോഡിലെ ആനപ്പാറ വളവിനകത്താണ് ആനയുടെ സിഗ്നൽ കിട്ടിയത്. റോഡിൽ നിന്ന് മാറി മൂന്നര കിലോമീറ്റർ ഉള്ളിലായാണ് ആന നിലവിലുള്ളത്. സിഗ്നൽ കിട്ടിയതോടെ ട്രാക്കിംഗ് വിദഗ്ധർ കാടുകയറി. ദൗത്യസംഘത്തിനൊപ്പം വെറ്റിനറി ഡോക്ടർമാരും സ്ഥലത്ത് വന്നിട്ടുണ്ട്.
![](https://timeskerala.com/static/c1e/static/themes/16/91214/3752/images/New-Creative-.png)
പടമല കുന്നുകളിൽ നിന്ന് പുലർച്ചയോടെ ബാവലി റോഡ് മുറിച്ചു കടന്ന കാട്ടാന മണ്ണുണ്ടി കാടുകളിൽ എത്തിയിരുന്നു. സ്ഥലത്ത് വനംവകുപ്പ് നിരീക്ഷണം തുടങ്ങിയതിനു പിന്നാലെയാണ് സിഗ്നൽ ലഭിച്ചത്.
അനാവശ്യമായി ആളുകള് പുറത്തിറങ്ങരുതെന്നും, ജാഗ്രത പാലിക്കണമെന്നും തിരുനെല്ലി പഞ്ചായത്ത് മുന്നറിയിപ്പ് പുറപ്പെടുവിച്ചു.