നിര്ത്തിയിട്ട ബസിന് പിന്നിലേക്ക് പിക്കപ്പ് ഇടിച്ച് കയറി ഡ്രൈവര് മരിച്ചു
![നിര്ത്തിയിട്ട ബസിന് പിന്നിലേക്ക് പിക്കപ്പ് ഇടിച്ച് കയറി ഡ്രൈവര് മരിച്ചു](https://timeskerala.com/static/c1e/client/91214/uploaded/91d7176c71ff1918f27c580550a4f68b.jpg)
തൃശൂര്: മുടിക്കോട് ദേശീയ പാതയുടെ സര്വീസ് റോഡില് നിര്ത്തിയിട്ട ബസിന് പിന്നില് പിക്കപ്പ് വാനിടിച്ച് ഡ്രൈവര് മരിച്ചു. തമിഴ്നാട് സ്വദേശി കറുപ്പയ്യ സ്വാമി (57) ആണ് മരിച്ചത്. ഇന്ന് പുലര്ച്ചെയാണ് സംഭവം നടന്നത്. പിക്കപ്പ് വാന് ബസിന് പിന്നിലേക്ക് ഇടിച്ച് കയറുകയായിരുന്നു. വാന് ബസിനോട് ചേര്ന്ന് ഞെരിഞ്ഞമര്ന്ന നിലയിലാണ്. മുന്ഭാഗം പൂര്ണമായും തകര്ന്നു.
![](https://timeskerala.com/static/c1e/static/themes/16/91214/3752/images/New-Creative-.png)
എന്നാല് നേരം പുലര്ന്ന ശേഷമാണ് നാട്ടുകാര് അപകടവിവരം മനസിലാക്കിയത്. ആരുടേയും ശ്രദ്ധയില്പ്പെടാതിരുന്നതിനാല് ചികിത്സ കിട്ടാതെയാണ് പിക്കപ്പ് വാന് ഡ്രൈവറുടെ മരണം. നാട്ടുകാര് വിവരമറിയിച്ചതിനെത്തുടര്ന്ന് പോലീസും അഗ്നിരക്ഷാ സേനയും സ്ഥലത്തെത്തി മൃതദേഹം പുറത്തെടുത്തു. മൃതദേഹം മെഡിക്കല് കോളജ് ആശുപത്രിയിലേക്ക് മാറ്റി. .