കലോത്സവത്തിൽ പങ്കെടുക്കാൻ പശുവിനെ വിറ്റു; കൃഷ്ണപ്രിയക്ക് പകരം പശുവിനെ നൽകി മൃഗസംരക്ഷണ വകുപ്പ്
Jun 8, 2024, 11:38 IST
![പേവിഷബാധയേറ്റ പശു ചത്തു](https://timeskerala.com/static/c1e/client/91214/uploaded_original/b0b691397a59a4b091c7f9bb39c30ec5.webp)
തൃശൂർ: പശുവിനെ വിറ്റ് സംസ്ഥാന സ്കൂള് കലോത്സവത്തിന് പങ്കെടുത്ത വരന്തരപ്പിള്ളിയിലെ കൃഷ്ണപ്രിയക്ക് മൃഗസംരക്ഷണ വകുപ്പ് പകരം പശുവിനെ നൽകി. മന്ത്രി ചിഞ്ചുറാണി നേരിട്ട് വന്നാണ് മണ്ണൂത്തി വെറ്ററിനറി സര്വ്വകലാശാല ക്യാമ്പസില് നിന്ന് പശുവിനെ സമ്മാനിച്ചത്.
കൊല്ലത്തു നടന്ന സംസ്ഥാന സ്കൂള് കലോത്സവത്തിന് ഓട്ടന്തുള്ളലില് എ ഗ്രേഡ് സ്വന്തമാക്കി മടങ്ങിയെങ്കിലും കൃഷ്ണപ്രിയക്കും കുടുംബത്തിനും ഉപജീവന മാര്ഗ്ഗമായിരുന്ന പശു നഷ്ടമായത് ഒരു നൊമ്പരമായി കിടന്നിരുന്നു. മകളെ മത്സരത്തിനയക്കാനുള്ള ചെലവ് കണ്ടെത്താനാണ് കുടുംബം പശുവിനെ വിറ്റത്. കലോത്സവ വേദിയില് അത് വാര്ത്തയായതോടെ മൃഗസംരക്ഷണ മന്ത്രി പകരം പശുവിനെ നല്കാമെന്ന് വാഗ്ദാനവും ചെയ്തിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)