യുവാവിനെ കുത്തിപ്പരിക്കേൽപ്പിച്ച കേസ്; പ്രതി റിമാൻഡിൽ
Mar 18, 2023, 13:43 IST
കുന്നംകുളം: വ്യക്തിവൈരാഗ്യത്തിന്റെ പേരിൽ യുവാവിനെ കുത്തിപ്പരിക്കേൽപ്പിച്ച സംഭവത്തിൽ മദ്യവയസ്കൻ പിടിയിൽ. പോർക്കുളം കരുവാൻപടി വെട്ടത്ത് സുരേന്ദ്രൻ എന്ന 49-കാരനെയാണ് സി.ഐ യു.കെ. ഷാജഹാന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ഓട്ടോ ഡ്രൈവറാണ് പ്രതി. കഴിഞ്ഞ ചൊവ്വാഴ്ച കരുവാൻപടിയിലാണ് സംഭവം നടന്നത്. പോർക്കുളം സ്വദേശി മോഹനന്റെ മകൻ വിഷ്ണുവിനാണ് (27) പരിക്കേറ്റത്. വിഷ്ണുവിന്റെ കഴുത്തിലാണ് കുത്തേറ്റത്. ഇയാൾ താലൂക്ക് ആശുപത്രിയിൽ ചികിത്സയിലാണ്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.