ജനങ്ങള്‍ അംഗീകരിക്കുന്ന ബജറ്റാകും ഇന്ന് നിയമസഭയില്‍ അവതരിപ്പിക്കുക, സാധാരണക്കാര്‍ക്ക് ആശങ്കയുണ്ടാകില്ല: ധനമന്ത്രി
Updated: Feb 5, 2024, 09:07 IST
തിരുവനന്തപുരം: ജനങ്ങള്‍ അംഗീകരിക്കുന്ന ബജറ്റാകും ഇന്ന് നിയമസഭയില്‍ അവതരിപ്പിക്കുകയെന്ന് ധനമന്ത്രി കെ.എന്‍ ബാലഗോപാല്‍. സാധാരണക്കാര്‍ക്ക് ആശങ്കയുണ്ടാകില്ലെന്നും എല്ലാവരെയും സന്തോഷിപ്പിക്കുന്ന ബജറ്റ് അവതരിപ്പിക്കാനാണ് ശ്രമിക്കുന്നതെന്നും മന്ത്രി പ്രതികരിച്ചു.
സാമ്പത്തിക പ്രതിസന്ധിക്ക് കാരണമായത് കേന്ദ്ര നിലപാടാണ്. അത് പരിഹരിക്കാനുള്ള ചര്‍ച്ചകള്‍ നടക്കുകയാണെന്നും മന്ത്രി പറഞ്ഞു. സാമ്പത്തിക പ്രതിസന്ധിക്കിടയിലും മെച്ചപ്പെട്ട സേവനങ്ങള്‍ നല്‍കുകയാണ് ലക്ഷ്യമെന്നും മന്ത്രി കൂട്ടിച്ചേര്‍ത്തു.