പാലാ നഗരസഭയിലെ എയർപോഡ് വിവാദം വീണ്ടും കത്തുന്നു; പോലീസിൽ പരാതി നൽകി ജോസ് ചീരങ്കുഴി
Feb 2, 2024, 07:51 IST
![പാലാ നഗരസഭയിലെ എയർപോഡ് വിവാദം വീണ്ടും കത്തുന്നു; പോലീസിൽ പരാതി നൽകി ജോസ് ചീരങ്കുഴി](https://timeskerala.com/static/c1e/client/91214/uploaded/d491e2a6198dd2edacd48bee9f62b5e3.webp)
കോട്ടയം: പാലാ നഗരസഭയിലെ എയർപോഡ് വിവാദം വീണ്ടും കത്തുന്നു. തന്റെ എയർപോഡ് സിപിഎം കൗൺസിലർ ബിനു പുളിക്കക്കണ്ടം മോഷ്ടിച്ചെന്നാരോപിച്ച് മാണി ഗ്രൂപ്പ് കൗൺസിലർ ജോസ് ചീരങ്കുഴി പോലീസിൽ പരാതി നൽകി. നഗരസഭാ കൗൺസിൽ ഹാളിൽ നിന്ന് മോഷ്ടിക്കപ്പെട്ട എർപോഡ് പാലായിലെ ബിനുവിന്റെ വീട്ടിലെത്തിയതിന് തെളിവുണ്ടെന്നും പരാതിയിൽ പറയുന്നു. എയർപോഡിന്റെ സഞ്ചാരപഥം വ്യക്തമാക്കുന്ന 75 തെളിവുകൾ അടക്കമാണ് താൻ പരാതി നൽകിയതെന്നും ലൊക്കേഷൻ രേഖകൾ പ്രകാരം എയർപോഡ് ഇംഗ്ലണ്ടിലെത്തിയെന്നും അദ്ദേഹം പറഞ്ഞു.
അതേസമയം, തനിക്കെതിരായ ആരോപണം രാഷ്ട്രീയ ഗൂഢാലോചനയുടെ ഭാഗമാണെന്ന് ആവർത്തിച്ച സിപിഎം പാർലമെന്ററി പാർട്ടി നേതാവ് കൂടിയായ ബിനു പുളിക്കക്കണ്ടം ജോസ് ചീരങ്കുഴിക്കെതിരെ മാനനഷ്ട കേസ് കൊടുക്കുമെന്നും കൂട്ടിച്ചേർത്തു.