സംസ്ഥാനത്ത് വീണ്ടും സൂര്യാഘാതം; നിലമ്പൂർ സ്വദേശിക്ക് പൊള്ളലേറ്റു
May 11, 2024, 17:23 IST
മലപ്പുറം: സംസ്ഥാനത്ത് വീണ്ടും സൂര്യാഘാതം. നിലമ്പൂർ മയ്യന്താനി സ്വദേശി സുരേഷിന് (54) ആണ് സൂര്യാഘാതമേറ്റത്. മമ്പാട് നിന്നും നിലമ്പൂരിലേക്ക് പോകുന്നതിനിടെയാണ് സൂര്യഘാതം ഉണ്ടായത്. സുരേഷിന്റെ കൈകളിലും വയറിലും പൊള്ളലേറ്റു.
യാത്ര മധ്യേ കൈകളിൽ നീറ്റൽ അനുഭവപ്പെട്ട സുരേഷ് വീട്ടിലെത്തി തണുത്ത വെള്ളം ഉപയോഗിച്ച് നീറ്റൽ തോന്നിയ ഭാഗം കഴുകി. ഇതോടെ വേദന അനുഭവപ്പെടുകയായിരുന്നു. ഇതിന് പിന്നാലെ തൊലിയിൽ കുമിളകൾ പ്രത്യക്ഷപ്പെട്ടതോടെ നിലമ്പൂർ ജില്ലാ ആശുപത്രിയിലെത്തി ചികിത്സ തേടി.