ബുധനാഴ്ച വരെ സംസ്ഥാനത്ത് വേനൽ മഴയ്ക്കു സാധ്യത
May 12, 2024, 07:40 IST
![ബുധനാഴ്ച വരെ സംസ്ഥാനത്ത് വേനൽ മഴയ്ക്കു സാധ്യത](https://timeskerala.com/static/c1e/client/91214/uploaded/7e5061bd679ea06f73d0998530a64a91.webp)
തിരുവനന്തപുരം: ബുധനാഴ്ച വരെ സംസ്ഥാനത്തു പരക്കെ വേനൽ മഴയ്ക്കു സാധ്യതയുണ്ടെന്നു കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. വിവിധ ജില്ലകളിൽ യെല്ലോ അലർട്ടും പ്രഖ്യാപിച്ചു. ഇടിയോടുകൂടിയ മഴയാണു പെയ്യാൻ സാധ്യത.
ഇന്ന് പത്തനംതിട്ട, ഇടുക്കി, വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ശനിയാഴ്ചയും ഒറ്റപ്പെട്ട സ്ഥലങ്ങളിൽ മഴ പെയ്ത സാഹചര്യത്തിൽ പകൽ താപനിലയിൽ കുറവുണ്ടായി. തിരുവനന്തപുരം ജില്ലയിൽ തിങ്കളാഴ്ചയാണ് യെല്ലോ അലർട്ട്. തിരുവനന്തപുരത്ത് തിങ്കളാഴ്ച 64.5 മില്ലിമീറ്റർ മുതൽ 115 മില്ലിമീറ്റർ വരെ മഴ പെയ്യാൻ സാധ്യതയുണ്ടെന്നാണു മുന്നറിയിപ്പ്.
![](https://timeskerala.com/static/c1e/static/themes/16/91214/3752/images/New-Creative-.png)