നീർനായയുടെ കടിയേറ്റ് വിദ്യാർഥിക്ക് പരിക്ക്
May 15, 2024, 06:57 IST
![നീർനായയുടെ കടിയേറ്റ് വിദ്യാർഥിക്ക് പരിക്ക്](https://timeskerala.com/static/c1e/client/91214/uploaded/0d7e64d06431b814992a04c119fd4c65.webp)
ആലപ്പുഴ: എടത്വ തലവടിയിൽ നദിയിൽ കുളിക്കുന്നതിനിടെ വിദ്യാർഥിക്ക് നീർനായുടെ കടിയേറ്റു. തലവടി പഞ്ചായത്ത് 11-ാം വാർഡ് കൊത്തപ്പള്ളി പ്രമോദ്-രേഷ്മ ദമ്പതികളുടെ മകൻ വിനായകനാണ് (9) നീർനായുടെ കടിയേറ്റത്. വിനായകിന്റെ കാലിലും പുറത്തുമാണ് നീർനായ കടിച്ചത്. തലവടി മരങ്ങാട്ട് മഠം കടവിൽ മാതാവിനും സഹോദരൻ വിഘ്നേശ്വരനും ഒപ്പം കുളിക്കാനിറങ്ങിയപ്പോഴാണ് നീർനായുടെ കടിയേറ്റത്. വിദ്യാർഥി വണ്ടാനം മെഡിക്കൽ കോളജ് ആശുപത്രിയിൽ ചികിത്സ തേടി.