സോഷ്യല്‍ ഓഡിറ്റിങ്ങും പബ്ലിക് ഹിയറിങ്ങും
Feb 2, 2024, 10:09 IST
വെട്ടിക്കവല ഗ്രാമപഞ്ചായത്ത് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ 2023-24 സാമ്പത്തിക വര്‍ഷത്തെ ഒന്നാം പാത സോഷ്യല്‍ ഓഡിറ്റ്, പബ്ലിക് ഹിയറിങ് സംഘടിപ്പിച്ചു. വെട്ടിക്കവല എന്‍ എസ് എസ് ഓഡിറ്റോറിയത്തില്‍ പഞ്ചായത്ത് പ്രസിഡന്റ് എം പി സജീവ് ഉദ്ഘാടനം ചെയ്തു. വൈസ് പ്രസിഡന്റ് സാലി തോമസ് അധ്യക്ഷയായി.
സമയക്രമീകരണം, കെ ഐ പി കനാലുകളുടെ ശുചീകരണം തൊഴിലുറപ്പ് പദ്ധതിക്ക് നല്‍കുക തുടങ്ങിയ നിര്‍ദേശങ്ങളും ഹിയറിങില്‍ ചൂണ്ടിക്കാട്ടി. ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ അസീസ്, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ പ്രസന്ന സുനില്‍, തൊഴിലുറപ്പ് പദ്ധതി ഉദ്യോഗസ്ഥര്‍, മേറ്റുമാര്‍ തുടങ്ങിയവര്‍ പങ്കെടുത്തു.