ശോഭാ സുരേന്ദ്രനെതിരെ ബി.ജെ.പിയിൽ പടയൊരുക്കം
May 1, 2024, 15:58 IST
ന്യൂഡൽഹി: ബി.ജെ.പിയിൽ ആലപ്പുഴയിലെ എൻ.ഡി.എ. സ്ഥാനാർഥി ശോഭാ സുരേന്ദ്രനെതിരേ പടയൊരുക്കം. ബി.ജെ.പിയെ പ്രതിരോധത്തിലാക്കിയത് ഇ.പി.ജയരാജൻ വിഷയത്തിലെ ശോഭയുടെ പരസ്യ പ്രസ്താവനകൾ ആണെന്നാണ് ആരോപണം. പ്രചരണത്തിന്‍റെ അവസാന ദിവസങ്ങളിൽ ഇ.പിയുമായി കൂടിക്കാഴ്ചകൾ നടത്തിയ കാര്യം പരസ്യമാക്കിയത് ഏറെ അവമതിപ്പാണ് പാർട്ടിക്കുണ്ടാക്കിയതെന്ന് പറഞ്ഞ നേതൃത്വം ഈ വിവാദത്തിൽ 'മോദി ഗ്യാരന്‍റി'യെന്ന ബി.ജെ.പി. മുദ്രാവാക്യം പോലും മുങ്ങിപ്പോയതായി വിലയിരുത്തി. ദേശീയ തെരഞ്ഞെടുപ്പ് കമ്മീഷന് ബി.ജെ.പി. കേരള പ്രഭാരി പ്രകാശ് ജാവദേക്കർ ശോഭയ്ക്കെതിരേ പരാതി നൽകുമെന്നാണ് സൂചന.