തിരുവനന്തപുരം: സംസ്ഥാനത്ത് മയക്കുമരുന്നിനെതിരെ സർക്കാർ നടപ്പിലാക്കുന്ന ‘ഓപ്പറേഷൻ തൂഫാൻ’ ദൗത്യത്തിന് പിന്തുണ പ്രഖ്യാപിച്ച് എസ്എൻഡിപി യോഗം. കേരള സമൂഹത്തിന് ചെയ്യാവുന്ന ഏറ്റവും വലിയ പുണ്യവും നന്മയുമാണ് ഈ ദൗത്യമെന്നും, മുഴുവൻ ജനങ്ങളും ഇതിനോട് അണിചേരണമെന്നും എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ ആഹ്വാനം ചെയ്തു.(SNDP Supports Operation Toofan Against Drugs)
എസ്എൻഡിപി മുഖപത്രമായ ‘യോഗനാദ’ത്തിന്റെ എഡിറ്റോറിയലിലൂടെയാണ് അദ്ദേഹം ഇക്കാര്യം വ്യക്തമാക്കിയത്. മയക്കുമരുന്നിനെതിരെയുള്ള സർക്കാർ നടപടി അഭിനന്ദനാർഹമാണെന്ന് അദ്ദേഹം പറഞ്ഞു. എന്നാൽ, ഈ ദൗത്യം കേവലം പ്രഖ്യാപനങ്ങളിൽ ഒതുങ്ങരുതെന്നും അദ്ദേഹം മുന്നറിയിപ്പ് നൽകി.
നടപടികൾ പൂർണ്ണമായ അർത്ഥത്തിൽ ഫലപ്രദമായി നടപ്പിലാക്കണമെന്നും അദ്ദേഹം ആവശ്യപ്പെട്ടു. രാഷ്ട്രീയ വ്യത്യാസങ്ങൾ മറന്ന് എസ്എൻഡിപി പ്രവർത്തകർ ഈ ദൗത്യത്തിന്റെ ഭാഗമായി ഒത്തുചേരണമെന്നും വെള്ളാപ്പള്ളി നിർദ്ദേശിച്ചു.
Story Summary
Vellappally Natesan has extended full support to the government’s anti-drug mission, ‘Operation Toofan’, calling it a noble initiative for society. In an editorial for ‘Yoganadam’, Natesan urged all SNDP members to rise above political affiliations to support the mission while cautioning the government to ensure the drive remains impactful and not just a temporary show.
