കൊച്ചി: നീറ്റ് (NEET) ചോദ്യപേപ്പർ ചോർച്ചയുമായി ബന്ധപ്പെട്ട് കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാന്റെ രാജി ആവശ്യപ്പെട്ട് ‘കോക്രോച്ച് ജനതാ പാർട്ടി’യുടെ (Mammootty facebook post neet protest) നേതൃത്വത്തിൽ നടക്കുന്ന രാജ്യവ്യാപക യുവജന പ്രക്ഷോഭത്തിന് പിന്തുണ പ്രഖ്യാപിച്ച് മെഗാസ്റ്റാർ മമ്മൂട്ടി. വിദ്യാർത്ഥികളുടെ ആവശ്യങ്ങൾ ന്യായമാണെന്നും യുവജനങ്ങളെ പിന്തുണയ്ക്കേണ്ടത് സമൂഹത്തിന്റെ കടമയാണെന്നും അദ്ദേഹം സോഷ്യൽ മീഡിയയിലൂടെ വ്യക്തമാക്കി.
യുവജനങ്ങളാണ് രാജ്യത്തിന്റെ യഥാർത്ഥ സമ്പത്തെന്നും, അവരുടെ ശബ്ദം കേൾക്കുകയും അവരെ സംരക്ഷിക്കുകയും ശാക്തീകരിക്കുകയും ചെയ്യേണ്ടത് ഭരണകൂടത്തിന്റെ ഉത്തരവാദിത്തമാണെന്നും മമ്മൂട്ടി ഫേസ്ബുക്കിൽ കുറിച്ചു.
പ്രക്ഷോഭത്തിന് പിന്തുണയുമായി സിനിമാ-സാംസ്കാരിക-കായിക രംഗത്തെ നിരവധിയാളുകളാണ് ഇതിനോടകം രംഗത്തെത്തിയിട്ടുള്ളത്. ചിലർ ഡൽഹി ജന്തർ മന്തറിലെ സമരപ്പന്തലിൽ നേരിട്ടെത്തി ഐക്യദാർഢ്യം അറിയിച്ചപ്പോൾ, മറ്റുള്ളവർ സമൂഹമാധ്യമങ്ങളിലൂടെയാണ് വിദ്യാർത്ഥികൾക്ക് പിന്തുണ പ്രഖ്യാപിച്ചത്.
ഇതിനിടെ, പ്രതിഷേധിച്ച വിദ്യാർത്ഥികൾക്ക് നേരെ പോലീസ് നടത്തിയ അതിക്രമത്തിൽ പരിക്കേറ്റവർക്ക് ഐക്യദാർഢ്യം പ്രഖ്യാപിച്ച് കോക്രോച്ച് ജനതാ പാർട്ടി (CJP) നാളെ രാജ്യവ്യാപക സമരത്തിന് ആഹ്വാനം ചെയ്തു. പ്രമുഖ പ്രതിപക്ഷ പാർട്ടികളും പ്രക്ഷോഭത്തിന് പരസ്യ പിന്തുണയുമായി എത്തിയതോടെ വരും ദിവസങ്ങളിൽ പ്രതിഷേധം കൂടുതൽ ശക്തമാകുമെന്ന് ഉറപ്പായി.
Story Summary:
Megastar Mammootty extended his support to the nationwide student protest led by the Cockroach Janata Party (CJP) demanding the resignation of Education Minister Dharmendra Pradhan over the NEET paper leak. Meanwhile, CJP called for a nationwide strike tomorrow to protest police violence against students.
