മൈസൂരു: കാർ ഷോറൂം ജീവനക്കാരൻ നിത്യാനന്ദയെ കൊലപ്പെടുത്തിയ കേസിൽ ഭാര്യ സുശീലയടക്കം നാല് പേരെ മൈസൂരു സിറ്റി പോലീസ് അറസ്റ്റ് ചെയ്തു. ഭർത്താവിനെ കൊലപ്പെടുത്താൻ സുശീല കൂട്ടുപിടിച്ച മൂന്ന് പേരെയാണ് പോലീസ് ഇപ്പോൾ പിടികൂടിയിരിക്കുന്നത്. കേസിലെ മറ്റ് രണ്ട് പ്രതികൾക്കായി തിരച്ചിൽ തുടരുകയാണെന്ന് ഡെപ്യൂട്ടി പോലീസ് കമ്മീഷണർ (ലോ ആൻഡ് ഓർഡർ) ഹർഷ പ്രിയംവദ അറിയിച്ചു.(Mysuru Car Showroom Employee Murder Case Four Arrested)
സ്വകാര്യ സ്കൂളിലെ അധ്യാപികയായ സുശീലയാണ് കൊലപാതകത്തിന്റെ ആസൂത്രക. മദ്യപാനിയായ ഭർത്താവ് നിത്യാനന്ദ നിസ്സാര കാര്യങ്ങൾക്ക് പോലും തന്നെ ഉപദ്രവിക്കുകയും മാനസികമായി പീഡിപ്പിക്കുകയും ചെയ്തിരുന്നതാണ് കൊലപാതകത്തിലേക്ക് നയിച്ചതെന്ന് സുശീല പോലീസിനോട് സമ്മതിച്ചു.
കഴിഞ്ഞ ഞായറാഴ്ച രാത്രി മദ്യപിച്ചെത്തിയ നിത്യാനന്ദയെ തിങ്കളാഴ്ച പുലർച്ചെ മരിച്ച നിലയിൽ കണ്ടെത്തുകയായിരുന്നു. ആദ്യം ഹൃദയാഘാതമാണ് മരണകാരണമെന്ന് വരുത്തിത്തീർക്കാൻ സുശീല ശ്രമിച്ചെങ്കിലും, നിത്യാനന്ദയുടെ സഹോദരന് മരണത്തിൽ സംശയം തോന്നിയതിനെത്തുടർന്ന് പോലീസിൽ വിവരമറിയിക്കുകയായിരുന്നു. തുടർന്ന് നടത്തിയ വിശദമായ അന്വേഷണത്തിലാണ് കൊലപാതകത്തിന്റെ ചുരുളഴിഞ്ഞത്. അറസ്റ്റിലായ മൂന്ന് പേരുടെയും കൊലപാതകത്തിലെ കൃത്യമായ പങ്ക് അന്വേഷണ ഉദ്യോഗസ്ഥർ പരിശോധിച്ചുവരികയാണ്.
Story Summary
Mysuru police have arrested four individuals, including the victim’s wife, Susheela, in connection with the murder of a car showroom employee named Nithyananda. Susheela, a private school teacher, confessed to orchestrating the crime due to her husband’s alleged alcohol abuse and harassment, while police continue to search for two remaining suspects.
