എസ്.എൻ.ഡി.പി നേതാവിന്റെ മകന്റെ ഭാര്യവീട്ടിൽ ഭീഷണിക്കത്തും റീത്തും

വ​ട​ക​ര: എ​സ്.​എ​ൻ.​ഡി.​പി വ​ട​ക​ര യൂ​നി​യ​ൻ സെ​ക്ര​ട്ട​റി പി.​എം. ര​വീ​ന്ദ്ര​ന്റെ മ​ക​ൻ റൂ​ബി​ന്റെ ഭാ​ര്യ​ വീ​ട്ടി​ൽ വീ​ണ്ടും അ​തി​ക്ര​മം. വീ​ട്ടു​മു​റ്റ​ത്ത് റീ​ത്തും ഭീ​ഷ​ണി​ക്ക​ത്തും ക​ണ്ടെ​ത്തി.  ചൊ​വ്വാ​ഴ്ച പു​ല​ർ​ച്ചെ 12.25 ഓ​ടെ കീ​ഴ​ൽ ചെ​ക്കോ​ട്ടി ബ​സാ​റി​ലെ വൈ​ശാ​ഖി​ൽ കൃ​ഷ്ണ​ദാ​സി​ന്റെ വീ​ട്ടി​ന്റെ മു​റ്റ​ത്താ​ണ് റീ​ത്തും ഭീ​ഷ​ണി​ക്ക​ത്തും വീ​ട്ടി​ന് പു​റ​ത്ത് നി​ന്നും ബൈ​ക്കി​ൽ മു​ഖം മൂ​ടി​യ​ണി​ഞ്ഞെ​ത്തി എ​റി​ഞ്ഞ​ത്.

സം​ഭ​വ​ത്തി​ന്റെ സി.​സി.​ടി.​വി ദൃ​ശ്യ​ങ്ങ​ൾ ല​ഭി​ച്ചി​ട്ടു​ണ്ട്. യൂ​നി​യ​ൻ സെ​ക്ര​ട്ട​റി സ്ഥാ​നം രാ​ജി​വെ​ച്ചൊ​ഴി​യാ​നും ഇ​ല്ലെ​ങ്കി​ൽ മ​ക​ളു​ടെ ഭ​ർ​ത്താ​വി​ന്റെ വ​ല​തു​കൈ വെ​ട്ടു​മെ​ന്നും ഈ ​കാ​ര്യ​ങ്ങ​ളെ​ല്ലാം ചെ​യ്തി​രി​ക്കു​മെ​ന്നും ഇ​നി ഒ​ര​റി​യി​പ്പ് ഉ​ണ്ടാ​കി​ല്ലെ​ന്നും ഭീ​ഷ​ണി​ക്ക​ത്തി​ൽ പ​റ​യു​ന്നു. ഇ​ത് മൂ​ന്നാം ത​വ​ണ​യാ​ണ് വീ​ടി​ന് നേ​രെ അ​തി​ക്ര​മം ഉ​ണ്ടാ​കു​ന്ന​ത്. ഒ​രു​ത​വ​ണ വീ​ടി​ന്റെ ജ​ന​ൽ​ചി​ല്ലു​ക​ളും പി​ന്നീ​ട് വീ​ട്ടി​ൽ നി​ർ​ത്തി​യി​ട്ട കാ​റും എ​റി​ഞ്ഞു ത​ക​ർ​ത്തി​രു​ന്നു. സം​ഭ​വ​ത്തി​ൽ വ​ട​ക​ര ​പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആരംഭിച്ചിട്ടുണ്ട്.