രാഹുൽ ഗാന്ധിയെ കണ്ട് സിദ്ധാർത്ഥന്‍റെ പിതാവ്; നിവേദനം നൽകി
Apr 3, 2024, 22:21 IST
വൈത്തിരി: പൂക്കോട് വെറ്ററിനറി സർവകലാശാലയിൽ മരിച്ച വിദ്യാർത്ഥി സിദ്ധാർത്ഥന്‍റെ പിതാവ് ജയപ്രകാശ് വയനാട്ടിലെത്തി രാഹുൽഗാന്ധി എം.പിയെ സന്ദർശിച്ചു. മകന്റെ മരണവുമായി ബന്ധപ്പെട്ട് രാഹുൽ ഗാന്ധിക്ക് അദ്ദേഹം നിവേദനം നൽകി. മകന്റെ മരണത്തെക്കുറിച്ചുള്ള അന്വേഷണം പൊലീസും ചില ഉദ്യോഗസ്ഥരും ചേർന്ന് അട്ടിമറിച്ചെന്നും കേസ് അന്വേഷണം വിപുലമാക്കുന്നതിനു ചിലർ തടസം നിൽക്കുകയാണെന്നും രാഹുൽ ഗാന്ധിക്ക് നൽകിയ നിവേദനത്തിൽ പറയുന്നു. കേസിന്‍റെ ഭാഗമായ പെൺകുട്ടിയെയടക്കം പലരെയും ഇനിയും പൊലീസ് അറസ്റ്റ് ചെയ്യാതെ രാഷ്ട്രീയ സമ്മർദ്ദത്തിന് വഴങ്ങി ഒത്തുകളിക്കുകയാണെന്നും നിവേദനത്തിൽ ആരോപിക്കുന്നുണ്ട്.