തിരുവനന്തപുരം: ദിവസങ്ങൾ നീണ്ട അനിശ്ചിതത്വങ്ങൾക്കൊടുവിൽ വി.ഡി. സതീശനെ മുഖ്യമന്ത്രിയായി പ്രഖ്യാപിച്ചതിനെ സ്വാഗതം ചെയ്ത് ഷാഫി പറമ്പിൽ എം.പി. “കേരളത്തിന്റെ, കോൺഗ്രസ്സിന്റെ, യുഡിഎഫിന്റെ മുഖ്യമന്ത്രി ശ്രീ വി.ഡി. സതീശന് അഭിവാദ്യങ്ങൾ” എന്നാണ് ഷാഫി തന്റെ സോഷ്യൽ മീഡിയ പേജിൽ കുറിച്ചത്.(Shafi Parambil MP Salutes New Kerala Chief Minister VD Satheesan)
മുഖ്യമന്ത്രി സ്ഥാനത്തെ ചൊല്ലി പാർട്ടിയിൽ ചർച്ചകൾ നടന്നുകൊണ്ടിരിക്കെ ഷാഫി പറമ്പിലിനെതിരെ ഒരു വിഭാഗം കോൺഗ്രസ് അണികൾ സൈബർ ഇടങ്ങളിൽ രൂക്ഷമായ വിമർശനം ഉയർത്തിയിരുന്നു. കെ.സി. വേണുഗോപാലിനെ ഷാഫി പിന്തുണയ്ക്കുന്നു എന്നാരോപിച്ചായിരുന്നു ഈ ആക്രമണം.
സതീശനെ പ്രഖ്യാപിച്ച ഉടൻ തന്നെ അദ്ദേഹത്തിന് പിന്തുണയുമായി രംഗത്തെത്തിയത് വഴി പാർട്ടിയിലെ ഐക്യം ഊട്ടിയുറപ്പിക്കാനാണ് ഷാഫി ശ്രമിക്കുന്നത്. മറ്റ് വിശദീകരണങ്ങളൊന്നും നൽകാതെ മുഖ്യമന്ത്രി സതീശന് അഭിവാദ്യങ്ങൾ അർപ്പിക്കുക മാത്രമാണ് ഷാഫി ചെയ്തത്. സംസ്ഥാനത്തെ വിവിധ കോൺഗ്രസ് നേതാക്കളും എംപിമാരും സതീശനെ അഭിനന്ദിച്ച് രംഗത്തെത്തുന്നുണ്ട്.
Story Summary
Shafi Parambil MP has expressed his support for V.D. Satheesan following his official announcement as the new Chief Minister of Kerala. Despite facing criticism from a section of cyber supporters during the leadership discussions, Shafi’s social media post emphasizes unity within the party and the UDF.
