വടക്കന്‍ കേരളത്തില്‍ ഒമ്പത് മണിക്കൂര്‍ കൂടി കടലാക്രമണ സാധ്യത; ഓറഞ്ച് അലേര്‍ട്ട് തുടരും
May 5, 2024, 18:46 IST
തിരുവനന്തപുരം: തെക്കന്‍ കേരളത്തില്‍ അടുത്ത ആറ് മണിക്കൂര്‍ കൂടി കടലാക്രമണ സാധ്യതെയന്ന് ദേശീയ സമുദ്രസ്ഥിതി പഠന ഗവേഷണ കേന്ദ്രം. എന്നാല്‍ വടക്കന്‍ കേരളത്തില്‍ ഒമ്പത് മണിക്കൂര്‍ കൂടി കടലാക്രമണ സാധ്യതയുണ്ട്. തീരപ്രദേശത്തുള്ളവര്‍ ജാഗ്രത തുടരണമെന്നാണ് നിര്‍ദേശം നൽകിയിരിക്കുന്നത്. താഴ്ന്ന പ്രദേശങ്ങള്‍, കടല്‍ഭിത്തി ഉയരത്തില്‍ കെട്ടാത്ത സ്ഥലങ്ങള്‍ തുടങ്ങിയ മേഖലകളിലുള്ളവര്‍ മുന്നറിയിപ്പുകള്‍ കൃത്യമായി പാലിക്കണമെന്നും മുന്നറിയിപ്പിൽ പറയുന്നു. കേരളാ തീരത്തും തെക്കന്‍ തമിഴ്‌നാട് തീരത്തും ഓറഞ്ച് അലേര്‍ട്ട് തുടരും.