തിരുവനന്തപുരം: മുഖ്യമന്ത്രി വി.ഡി. സതീശനെതിരെ സമൂഹമാധ്യമങ്ങളിൽ വിമർശനകരമായ പോസ്റ്റ് പങ്കുവെച്ചെന്നാരോപിച്ച് ആറ്റിങ്ങൽ ഗവ. ബോയ്സ് ഹയർ സെക്കണ്ടറി സ്കൂൾ പ്രിൻസിപ്പൽ ജവാദ് സുബൈറിനെ സർവീസിൽ നിന്ന് സസ്പെൻഡ് ചെയ്തു. ഔദ്യോഗിക ജീവിതത്തിൽ നിന്ന് വിരമിക്കാൻ കേവലം രണ്ടു ദിവസം മാത്രം ശേഷിക്കെയാണ് ഈ അച്ചടക്ക നടപടി.(School Principal Suspended For Social Media Post Against Chief Minister)
മുഖ്യമന്ത്രിയുടെ ചിത്രം പരിഹാസരൂപേണ സമൂഹമാധ്യമത്തിൽ പങ്കുവെച്ചുവെന്നാണ് സസ്പെൻഷൻ ഉത്തരവിൽ പറയുന്നത്. വിദ്യാർത്ഥികൾക്കും അധ്യാപകർക്കുമിടയിൽ രാഷ്ട്രീയ ധ്രുവീകരണത്തിന് ശ്രമിച്ചെന്നും ഉത്തരവിൽ കുറ്റപ്പെടുത്തുന്നു.
യൂത്ത് കോൺഗ്രസ് നേതാവ് നൽകിയ പരാതിയുടെ അടിസ്ഥാനത്തിൽ അധ്യാപകനെതിരെ കേസെടുത്തിട്ടുണ്ട്. അതേസമയം, പ്രിൻസിപ്പലിനെതിരായ നടപടി വ്യക്തിപരമായ വൈരാഗ്യത്തിന്റെ ഭാഗമാണെന്നും അധ്യാപക സംഘടനകളിലെ ഒരു വിഭാഗം പ്രതികരിച്ചു.
Story Summary
Attingal Government Boys HSS Principal has been suspended just two days before his retirement for allegedly sharing a derogatory social media post about Chief Minister V.D. Satheesan. The suspension order also cites attempts to create political polarization among students and staff, and a case has been filed against him. This follows a similar recent suspension of an KSRTC driver for a social media post targeting the Chief Minister.
