ശബരിമല: സന്നിധാനത്ത് സ്വർണം പൊതിഞ്ഞ ശ്രീകോവിലിന്റെ മേൽക്കൂരയിൽ അസാധാരണമായ നിറവ്യത്യാസം കണ്ടെത്തിയത് ആശങ്കയ്ക്കിടയാക്കുന്നു. ശ്രീകോവിലിന്റെ മുകൾഭാഗത്ത് എന്തോ ദ്രാവകം വീണതുപോലെയുള്ള പാടുകൾ ശ്രദ്ധയിൽപ്പെട്ടതോടെ തിരുവാഭരണ കമ്മീഷണറുടെ നേതൃത്വത്തിൽ പരിശോധന നടത്തി.(Sabarimala Temple Roof Discoloration Investigation Intensifies)
നെയ്യ് വീണതാകാം ഈ നിറവ്യത്യാസത്തിന് കാരണമെന്നാണ് പ്രാഥമിക നിഗമനം. എങ്കിലും, കൂടുതൽ പരിശോധനകൾ നടത്താൻ അധികൃതർ തീരുമാനിച്ചിട്ടുണ്ട്. ഇതിനിടയിൽ, ശബരിമലയിലെ സ്വർണ്ണപ്പാളി കൈമാറ്റ വിവാദത്തിൽ അന്വേഷണം കൂടുതൽ ഊർജ്ജിതമാക്കിയിരിക്കുകയാണ് പ്രത്യേക അന്വേഷണ സംഘം. 2025-ലെ സ്വർണ്ണ ഇടപാടുകൾ കൂടി അന്വേഷണ പരിധിയിൽ ഉൾപ്പെടുത്തണമെന്ന ഹൈക്കോടതി നിർദ്ദേശത്തിന്റെ അടിസ്ഥാനത്തിലാണ് നടപടികൾ വേഗത്തിലാക്കിയത്.
ഹൈക്കോടതിയുടെ പ്രത്യേക അനുമതിയോടെ സന്നിധാനത്തെത്തിയ എസ്.ഐ.ടി സംഘം, പ്രഭാമണ്ഡലം അടക്കമുള്ള ഭാഗങ്ങൾ ഇളക്കി പരിശോധന നടത്തി സാമ്പിളുകൾ ശേഖരിച്ചു. ശേഖരിച്ച സാമ്പിളുകൾ ശാസ്ത്രീയ പരിശോധനയ്ക്കായി ലാബിലേക്ക് അയക്കും.
Story Summary
Authorities are investigating unusual discoloration on the gold-plated roof of the Sabarimala temple, suspected to be caused by ghee spillages from offerings. Concurrently, a Special Investigation Team (SIT) has intensified its probe into the unauthorized transfer of gold plates, issuing notices to former Devaswom Board officials and collecting scientific samples for further forensic analysis.
