ടൊറന്റോ: കാനഡയിലെ ടൊറന്റോയിൽ ഇന്ത്യൻ വംശജയായ 26-കാരി വെടിയേറ്റ് മരിച്ചു. റെക്സ്ഡെയ്ലിലെ ഹംബർവുഡ് ബൊളിവേർഡ് – റെക്സ്ഡെയ്ൽ ബൊളിവേർഡ് പ്രദേശത്ത് വെച്ചാണ് നവനീത് കൗർ എന്ന യുവതി കൊല്ലപ്പെട്ടത്. സംഭവത്തിൽ ബ്രാംപ്ടൺ സ്വദേശിയായ ശരൺജിത് സിംഗ് (37) എന്നയാളെ ടൊറന്റോ പോലീസ് അറസ്റ്റ് ചെയ്തു.(Indian Origin Woman Navneet Kaur Shot Dead In Toronto Canada Brampton Man Arrested)
വെള്ളിയാഴ്ച രാവിലെ 7.23-ഓടെയാണ് പ്രദേശത്ത് വെടിവെപ്പുണ്ടായതായി പോലീസിന് സന്ദേശം ലഭിക്കുന്നത്. സംഭവസ്ഥലത്തെത്തിയ പോലീസ് വെടിയേറ്റ് വീണ നവനീതിന് അടിയന്തര വൈദ്യസഹായം നൽകിയെങ്കിലും ജീവൻ രക്ഷിക്കാനായില്ല. തെരുവിൽ വെച്ച് നവനീതുമായി സംസാരിച്ച ശേഷം പ്രതി തോക്കെടുത്ത് വെടിയുതിർക്കുകയായിരുന്നുവെന്ന് ദൃക്സാക്ഷികൾ വെളിപ്പെടുത്തി.
ലക്ഷ്യമിട്ടുള്ള ആക്രമണമാണ് നടന്നതെന്നും സംഭവത്തിന് പിന്നിൽ മറ്റാരുമില്ലെന്നും പോലീസ് വ്യക്തമാക്കി. പ്രതിയായ ശരൺജിത് സിംഗിനെതിരെ ഫസ്റ്റ് ഡിഗ്രി കൊലപാതക കുറ്റവും കോടതി ഉത്തരവുകൾ ലംഘിച്ചതിനുമുള്ള വകുപ്പുകളും ചുമത്തിയിട്ടുണ്ട്. കൊലപാതകത്തിന് പിന്നിലെ യഥാർത്ഥ കാരണം കണ്ടെത്താൻ ടൊറന്റോ പോലീസിലെ ഹോമിസൈഡ് ടീം അന്വേഷണം ഊർജ്ജിതമാക്കിയിട്ടുണ്ട്.
Story Summary
A 26-year-old Indian-origin woman, Navneet Kaur, was shot dead in a targeted attack in Toronto, Canada. Toronto police arrested 37-year-old Sharanjit Singh from Brampton and charged him with first-degree murder.
