ട്രഷറിയിൽ നിന്ന് വ്യാജ ചെക്കുപയോഗിച്ച് രണ്ടര ലക്ഷം തട്ടിയതായി പരാതി
![ട്രഷറിയിൽ നിന്ന് വ്യാജ ചെക്കുപയോഗിച്ച് രണ്ടര ലക്ഷം തട്ടിയതായി പരാതി](https://timeskerala.com/static/c1e/client/91214/uploaded/3cd3482f7dec979b8726f77786e9d7ab.jpg)
തിരുവനന്തപുരം: കഴക്കൂട്ടം ട്രഷറിയിൽ നിന്നും വ്യാജ ചെക്കുപയോഗിച്ച് രണ്ടര ലക്ഷം രൂപ അക്കൗണ്ടിൽ നിന്നും മറ്റാരോ മാറിയെടുത്തുവെന്ന് പരാതി. ശ്രീകാര്യം സ്വദേശിയായ മോഹനകുമാരിയാണ് പരാതിയുമായി രംഭത്തെത്തിയിരിക്കുന്നത്. കഴക്കൂട്ടം സബ് ട്രഷറിയിൽ നിന്നാണ് പണം പിൻവലിച്ചിരിക്കുന്നത്.
![](https://timeskerala.com/static/c1e/static/themes/16/91214/3752/images/New-Creative-.png)
മോഹനകുമാരിയുടെ ഭർത്താവിന്റെ പെൻഷനാണ് ട്രഷറിയിലേക്കെത്തുന്നത്. മകളോടൊപ്പം വർഷങ്ങളായി വിദേശത്തായിരുന്നു മോഹനകുമാരി. എല്ലാ മാസവും പെൻഷൻ തുക പിൻവലിക്കാറില്ല.
നാട്ടിലെത്തിയ ശേഷം ട്രഷറിയിൽ നിന്നും സ്റ്റേറ്റ്മെന്റ് പരിശോധിച്ചപ്പോഴാണ് ഈ മാസം മൂന്ന്, നാല് ദിവസങ്ങളിലായി രണ്ടു ലക്ഷത്തി അമ്പതിനായിരം രൂപ പിൻവലിച്ചിരിക്കുന്നതായി കണ്ടെത്തിയത്. മോഹനകുമാരിയുടെ കൈവശമുള്ള ചെക്കുകളല്ല ഇവിടെ നൽകിയിരിക്കുന്നത്. ഒപ്പും വ്യാജമാണ്. ഈ ചെക്കുകള് നൽകിയിരിക്കുന്ന ഉദ്യോഗസ്ഥനാകട്ടെ വിരമിക്കുകയും ചെയ്തു. സംഭവത്തിൽ അന്വേഷണം ആരംഭിച്ചിട്ടുണ്ട്.