എ​ല്‍​ഡി​എ​ഫി​ലെ രാ​ജ്യ​സ​ഭാ സീ​റ്റ് പ്ര​ശ്നം; അ​ന്തി​മ തീ​രു​മാ​നം ഇ​ന്നു​ണ്ടായേ​ക്കും

 

തി​രു​വ​ന​ന്ത​പു​രം: എ​ല്‍​ഡി​എ​ഫി​ലെ രാ​ജ്യ​സ​ഭാ സീ​റ്റ് ത​ര്‍​ക്ക​ത്തി​ല്‍ അ​ന്തി​മ തീ​രു​മാ​നം ഇ​ന്ന്. തി​ങ്ക​ളാ​ഴ്ച ചേ​രു​ന്ന എ​ല്‍​ഡി​എ​ഫ് യോ​ഗം തീ​രു​മാ​ന​മെ​ടു​ക്കുമെന്നാണ് വിവരം. ഇ​ന്ന് ചേ​രു​ന്ന സി​പി​എം സം​സ്ഥാ​ന സെ​ക്ര​ട്ട​റി​യേ​റ്റ് യോ​ഗ​വും വി​ഷ​യം ച​ര്‍​ച്ച​ചെ​യ്യും.

ശ​നി​യാ​ഴ്ച ന​ട​ന്ന സി​പി​എം-​സി​പി​ഐ ഉ​ഭ​യ​ക്ഷി ച​ര്‍​ച്ച​യി​ല്‍ തീ​രു​മാ​ന​മാ​യി​രു​ന്നി​ല്ല. രാ​ജ്യ​സ​ഭാ സീ​റ്റി​ല്‍ വി​ട്ടു​വീ​ഴ്ച​യ്ക്കി​ല്ല എ​ന്ന നി​ല​പാ​ടി​ല്‍ ഉ​റ​ച്ചു നി​ല്‍​ക്കു​ക​യാ​ണ് സി​പി​ഐ. 

എ​ല്‍​ഡി​എ​ഫി​ന് ല​ഭി​ക്കു​ന്ന ര​ണ്ട് രാ​ജ്യ​സ​ഭാ സീ​റ്റു​ക​ളി​ല്‍ ഒ​ന്ന് സി​പി​എ​മ്മി​ന്‍റേ​താ​ണ്. ര​ണ്ടാ​മ​ത്തെ സീ​റ്റി​നാ​യാ​ണ് ഘ​ട​ക​ക​ക്ഷി​ക​ള്‍ അവ​കാ​ശ​വാ​ദം ഉ​ന്ന​യി​ക്കു​ന്ന​ത്. അ​തി​നി​ടെ സി​പി​എം ഏ​റ്റെ​ടു​ക്കാ​ന്‍ ഉ​ദ്ദേ​ശി​ക്കു​ന്ന രാ​ജ്യ​സ​ഭാ സീ​റ്റ് വി​ട്ടു​കൊ​ടു​ത്ത് പ്ര​ശ്‌​നം പ​രി​ഹ​രി​ക്കു​മോ അ​ഭ്യൂ​ഹ​വു​മു​ണ്ട്. സി​പി​എം കേ​ന്ദ്ര നേ​തൃ​ത്വ​വു​മാ​യി ആ​ശ​യ​വി​നി​മ​യം ന​ട​ത്തി​യ ശേ​ഷ​മാ​കും അ​ന്തി​മ തീ​രു​മാ​നം. ലോ​ക്സ​ഭാ തെ​ര​ഞ്ഞെ​ടു​പ്പി​ല്‍ കോ​ട്ട​യ​ത്ത് പ​രാ​ജ​യ​പ്പെ​ട്ട​തോ​ടെ കേ​ര​ള കോ​ണ്‍​ഗ്ര​സ്- എ​മ്മി​ന് പാ​ര്‍​ല​മെ​ന്‍റി‌​ല്‍ പ്രാ​തി​നി​ധ്യം ഇ​ല്ലാ​താ​യി. ഈ ​പ​ശ്ചാ​ത്ത​ല​ത്തി​ല്‍ രാ​ജ്യ​സ​ഭാ സീ​റ്റ് അ​നു​വ​ദി​ക്ക​ണ​മെ​ന്നാ​ണ് ആ പാ​ര്‍​ട്ടി​യു​ടെ ആ​വ​ശ്യം.

സി​പി​ഐ​ക്കും കേ​ര​ള കോ​ണ്‍​ഗ്ര​സ്- എ​മ്മി​നും പു​റ​മേ എ​ന്‍​സി​പി, ആ​ര്‍​ജെ​ഡി ക​ക്ഷി​ക​ളും രാ​ജ്യ​സ​ഭാ സീ​റ്റി​ന് അ​വ​കാ​ശ​വാ​ദം ഉ​ന്ന​യി​ച്ച് രം​ഗ​ത്തെ​ത്തി​യി​ട്ടു​ണ്ട്. കെ. ​രാ​ധാ​കൃ​ഷ്ണ​ന്‍ ഒ​ഴി​യു​ന്ന മ​ന്ത്രി​സ്ഥാ​നം വേ​ണ​മെ​ന്നും ആ​ര്‍​ജെ​ഡി ആ​വ​ശ്യ​പ്പെ​ടു​ന്നു​ണ്ട്. എ​ന്നാ​ല്‍ ആ​ര്‍​ജെ​ഡി​ക്കും എ​ന്‍​സി​പി​ക്കും സീ​റ്റ് ന​ല്‍​കി​ല്ലെ​ന്ന് സി​പി​എം അ​റി​യി​ച്ചി​ട്ടു​ണ്ട്.