തിരുവനന്തപുരം: കേരളത്തെ മികച്ച വ്യവസായ സൗഹൃദ സംസ്ഥാനമാക്കി മാറ്റുക എന്ന ലക്ഷ്യത്തോടെ, അടുത്ത അഞ്ച് വർഷത്തേക്കുള്ള കർമ്മപദ്ധതിയുമായി ബിജെപി സംസ്ഥാന അധ്യക്ഷനും നേമം എം എൽ എ രാജീവ് ചന്ദ്രശേഖർ. യുവാക്കൾക്ക് വലിയ സ്വപ്നങ്ങൾ കാണാനും അവ യാഥാർത്ഥ്യമാക്കാനും കഴിയുന്ന ഒരു പുതിയ കേരളത്തെ വാർത്തെടുക്കുകയാണ് തന്റെ ദൗത്യമെന്ന് അദ്ദേഹം പറഞ്ഞു.(Rajeev Chandrasekhar Unveils Five Point Development Agenda For Kerala)
നേമം എംഎൽഎ എന്ന നിലയിലും പാർട്ടി അധ്യക്ഷൻ എന്ന നിലയിലും അദ്ദേഹം മുന്നോട്ടുവെക്കുന്നഅഞ്ച് പ്രധാന അജണ്ടകൾ മുന്നോട്ട് വച്ചു. സംരംഭങ്ങൾ ആരംഭിക്കാനും മുന്നോട്ട് കൊണ്ടുപോകാനും ഏറ്റവും എളുപ്പമുള്ള സംസ്ഥാനമായി കേരളത്തെ മാറ്റിയെടുക്കുക. സംസ്ഥാനത്തെ 14 ജില്ലകളിലും അത്യാധുനിക ടെക് ഹബ്ബുകൾ സ്ഥാപിച്ച് ഐടി മേഖലയ്ക്ക് കരുത്ത് പകരുക. യുവാക്കൾക്ക് ആഗോള തൊഴിൽ വിപണിയിൽ മത്സരിക്കാൻ പ്രാപ്തമാക്കുന്ന സ്കില്ലിംഗ് പരിപാടികൾ ഉറപ്പാക്കുക. ലോകോത്തര നിലവാരത്തിലുള്ള ഭൗതിക സാഹചര്യങ്ങളും അടിസ്ഥാന സൗകര്യങ്ങളും സംസ്ഥാനത്ത് ഒരുക്കുക.
അഴിമതിരഹിതവും സുതാര്യവും നിക്ഷേപകരെ ആകർഷിക്കുന്നതുമായ ഭരണസംവിധാനം ഉറപ്പാക്കുക. കഴിവുകളെ അംഗീകരിക്കുകയും പുതിയ അവസരങ്ങൾ സൃഷ്ടിക്കുകയും ചെയ്യുന്ന ഒരു വികസന മാതൃകയാണ് താൻ വിഭാവനം ചെയ്യുന്നതെന്ന് അദ്ദേഹം കൂട്ടിച്ചേർത്തു.
Story Summary
BJP State President and Nemom MLA Rajeev Chandrasekhar has outlined a five-point development agenda for Kerala, aiming to transform the state into an industry-friendly hub over the next five years. His vision focuses on establishing tech hubs across all 14 districts, enhancing global-standard skill development, and ensuring a transparent, investor-friendly governance model to create new opportunities for the state’s youth.
