തിരുവനന്തപുരം: തമിഴ്നാട് മുഖ്യമന്ത്രിയായി അധികാരമേറ്റ സി. ജോസഫ് വിജയ്യെ അഭിനന്ദിച്ച് രാഹുൽ മാങ്കൂട്ടത്തിൽ. രാഹുൽ ഗാന്ധിയും വിജയ്യും ഒന്നിച്ചിരിക്കുന്ന ചിത്രം പങ്കുവെച്ചാണ്, വിജയ്യുടെ രാഷ്ട്രീയ പ്രവേശനത്തെ ‘കാലം എഴുതിയ കവിത’ എന്ന് രാഹുൽ വിശേഷിപ്പിച്ചത്. വർഷങ്ങൾക്കുമുമ്പ് വിജയ്യെ രാഷ്ട്രീയത്തിലേക്ക് വരാതിരിക്കാൻ തടഞ്ഞവർക്ക് മുന്നിലൂടെ അദ്ദേഹം മുഖ്യമന്ത്രിയായി നടന്നു കയറുന്നത് രാഷ്ട്രീയത്തിലെ കാവ്യനീതിയാണെന്ന് അദ്ദേഹം തന്റെ ഫേസ്ബുക്ക് പോസ്റ്റിൽ കുറിച്ചു.(Rahul Mamkootathil Congratulates CM Vijay And Recalls 2009 Political Move)
2009-ൽ കോൺഗ്രസിലൂടെ രാഷ്ട്രീയത്തിലേക്ക് വരാൻ വിജയ് ശ്രമിച്ചിരുന്നു. എന്നാൽ അന്ന് വഴിമുടക്കിയ പ്രമുഖ നേതാവ് ഇന്ന് ഈ ചടങ്ങിന്റെ ഏതോ കോണിൽ അപ്രധാനിയായി ഇരിക്കുമ്പോൾ, വിജയ് മുഖ്യമന്ത്രിയായി സത്യപ്രതിജ്ഞ ചെയ്യുന്നത് കാലം കാത്തുവെച്ച കണക്കുതീർക്കലാണ്. സംഘപരിവാറുകാർ ‘ജോസഫ് വിജയ്’ എന്ന് വിളിച്ചാക്ഷേപിക്കാൻ ശ്രമിക്കുമ്പോൾ, അതേ പേരിൽ തന്നെ അദ്ദേഹം മുഖ്യമന്ത്രിയായി ഉയർന്നുനിൽക്കുന്നത് കരുത്തുറ്റ രാഷ്ട്രീയ പ്രഖ്യാപനമാണ്.
സർക്കാരിന്റെ അഴിമതിക്കും സ്വജനപക്ഷപാതത്തിനുമെതിരായ ജനവികാരമാണ് ഈ വിജയത്തിന് പിന്നിൽ. കുടുംബാധിപത്യ രാഷ്ട്രീയത്തിനെതിരെയുള്ള പ്രതീക്ഷയുടെ കിരണമായാണ് തമിഴ് ജനത വിജയ്യെ കാണുന്നത്. സിനിമയിലെ രക്ഷകനാകുന്നത് എളുപ്പമാണ്, എന്നാൽ ജനജീവിതത്തിൽ അത് നിലനിർത്തുക എന്നത് വലിയ പരീക്ഷണമാണ്. സ്വന്തം പ്രതീക്ഷകളുടെ ഭാരത്തിൽ തകർന്നുപോകാതെ വിജയ് ജാഗ്രത പാലിക്കണമെന്നും രാഹുൽ കുറിച്ചു.
Story Summary
Youth Congress State President Rahul Mamkootathil congratulated Vijay on becoming the Tamil Nadu CM, calling it a poetic justice of time. In his Facebook post, he noted how those who blocked Vijay’s political entry years ago now witnessed him taking the oath in the presence of Rahul Gandhi.
