കോണ്ഗ്രസ് മഹാജനസഭയുടെ ഒരുക്കങ്ങള് അന്തിമഘട്ടത്തിലേക്ക്
Jan 31, 2024, 18:14 IST
![കോണ്ഗ്രസ് മഹാജനസഭയുടെ ഒരുക്കങ്ങള് അന്തിമഘട്ടത്തിലേക്ക്](https://timeskerala.com/static/c1e/client/91214/uploaded/f72a13a605ede71ef8ae1415d8e1b215.jpg)
എഐസിസി അധ്യക്ഷന് മല്ലികാര്ജുന് ഖാര്ഗെ ഉദ്ഘാടനം ചെയ്യുന്ന ‘മഹാജനസഭ’യുടെ ഒരുക്കങ്ങള് അന്തിമഘട്ടത്തിലേക്ക്. ഫെബ്രുവരി 4ന് വൈകുന്നേരം 3.30ന് തൃശൂര് തേക്കിന്കാട് മൈതാനത്ത് നടക്കുന്ന മഹാജനസഭയോടെ സംസ്ഥാനത്ത് കോണ്ഗ്രസിന്റെ പാര്ലമെന്റ് തെരഞ്ഞെടുപ്പ് അവസാനഘട്ട മുന്നൊരുക്ക പ്രവര്ത്തനങ്ങള്ക്ക് വേദിയാകും. ഏകദേശം ഒരുലക്ഷത്തിലധികം പ്രവര്ത്തകര് പങ്കെടുക്കുന്ന മഹാസമ്മേളനമാണ് കോണ്ഗ്രസ് സംഘടിപ്പിക്കുന്നത്. ബൂത്ത് ശാക്തീകരണത്തിലൂടെ കോണ്ഗ്രസിന്റെ പ്രവര്ത്തനത്തിന് അടിമുടി മാറ്റം കൊണ്ടുവരാന് കരുത്ത് പകരുന്ന സമ്മേളനത്തിനാണ് കെപിസിസി നേതൃത്വം നല്കുന്നത്.
സംസ്ഥാനത്തെ 25,177 ബൂത്തുകളില് നിന്ന് ബൂത്ത് പ്രസിഡന്റ്, വനിതാ വൈസ് പ്രസിഡന്റ്, ബി.എല്.എമാര് എന്നിങ്ങനെ മൂന്ന് പേര് അടങ്ങുന്ന 75,000 ത്തില്പ്പരം പ്രവര്ത്തകരും മണ്ഡലം മുതല് എഐസിസി തലം വരെയുള്ള കേരളത്തില് നിന്നുള്ള ഭാരവാഹികളും ഉള്പ്പെടെയുള്ളവര് പങ്കെടുക്കും.
![](https://timeskerala.com/static/c1e/static/themes/16/91214/3752/images/New-Creative-.png)